現時外出食飯，能食到健康，少味精的餐廳已經買少見少，再加上香港步伐急速，不少人放工寧願隨便買外賣都不會自己煮，所以只能焗住食味精飯了！而位於灣仔的椰粉湯紅就絕對啱大家了！店家主打無添加、無味精食物，以中西合壁的烹調手法，煮出一道道健康又有營的Fusion 菜。餐廳其中一個賣點為椰皇湯品，每款的材料都好豐富，再加上不落任何味精，飲得多靚湯水，不僅可以增強免疫力，更可以滋陰補血氣，達到美顏的效果！
▲特大椰皇佛跳牆($98)：材料十足！有海參、花膠、素翅等等，仲要無添加，真係好補、好滋潤！
▲首創竹絲海南雞椰香飯套餐($108)：食材鮮味十足，以椰漿蒸煮成的泰國香米，飯散發着陣陣椰香，比起傳統油飯更好味！
▲糖脆炙燒豬頸肉椰香蛋包飯($68)：椰汁配蛋包飯的組合好罕見，卻意外地夾！再配上甜甜的糖脆炙燒豬頸肉，令人非常滿足！
▲是日食療杯湯(跟餐+$15)：完全無添加味精的靚湯，啱哂不能經常飲到媽媽靚湯的大家。
椰粉湯紅
地址：灣仔軒尼詩道61號四寶大廈地下（港鐵灣仔站B1出口）
營業時間：星期一至六：8:00-20:45
文字：香港人遊香港/ 圖片： @ waikoko , @ ling.thefoodie