尖沙咀諾士佛臺嘅酒吧餐廳終於可以重新開幕，限聚令措施放寬後大家都開始四圍搵特色餐廳~今次小編就推介呢間啦，重新開幕後更推出多款嶄新菜式！今次嘅菜式都係以西瓜為主題，非常有創意！西班牙燒豬腩伴西瓜三文治、炭烤西瓜牛扒等等，當然唔少得店舖招牌菜炭烤澳洲M5和牛肩肉和重量級海鮮生蠔拼盤，近年十分流行素食，為咗追趕潮流腳步，店舖都有多款素食菜式加入，當素食者都可以大塊朵頤！
▲西班牙燒豬腩伴西瓜三文治($108)，個「西瓜肉」賣相真係幾可亂真~配上西班牙燒豬腩簡直味覺與視覺雙重享受！
▲炭烤西瓜牛扒伴香草燒新薯，時令蔬菜 ($168) ，呢道菜啱曬素食者，造型上都有近八成似平時食開果啲牛扒，配埋黑椒汁的確有牛扒果這味~
▲I am not Lasagna($98) ，用茄子及意大利青瓜代替一般牛肉醬，但卻營造出同樣的味道，呢個lasagna又為素食者提供多一個選擇！
▲炭烤澳洲M5和牛肩肉($398) ，餐廳招牌菜式，肉質鮮嫩、牛味濃郁，嗜牛者必食之選。
▲重量級海鮮生蠔拼盤 ($398) ，有齊法國即開生蠔、青口、阿根廷紅蝦及北海道帶子等等，款款新鮮時令，品質上乘！
▲多款特色雞尾酒，Taste of Love ($148) ，個造型都幾誇張，成碗湯咁款！
▲The Oasis ($148) ， 用特別的器皿裝著，仲有條羽毛，啱曬打卡！
Oasis Bar &Grill
地址： 尖沙咀諾士佛臺1號8樓
營業時間：星期日至四 17:00 – 01:00星期五至六 17:00 – 02:00
電話：2887 9820
文字來源：香港人遊香港