踏入10月，水果界KOL一定要數日本香印及貓眼葡萄！旺角就有酒店推出以這兩款名種提子為主題的下午茶！日本香印及貓眼絕對係人氣之選，呢兩款提子有咩咁特別？甜度都介乎18至20度以上，絕對適合入饌製作成精美嘅鹹甜點，食落唔單止有啖啖花香味～仲鮮甜多汁！當中嘅推介之選有香印香檳青檸慕絲蛋糕、草莓香印乳酪雪條、貓眼帕芙洛娃和蟹肉壽司卷配香印葡萄莎莎等等。平時呢啲高級提子都索價不菲，今次推出下午茶自助餐，大家仲唔快啲去打卡？
▲由即日起至2021年1月3日，逢星期六、日及公眾假期就可以食到 「Grapeful-Moment下午茶自助餐」 。
▲香印芝士慕絲蛋糕，單睇賣相已經非常吸引，粒粒又大又飽滿的提子整齊咁鋪喺蛋糕上面，真係未食先興奮！
▲士多啤梨香印乳酪雪條，自家製的乳酪雪條以人手逐粒切開香印提子及士多啤梨，再加入乳酪冷藏而成，新鮮製作，口感極佳！
▲香印及貓眼葡萄三文治，幼滑忌廉伴以香印及貓眼兩種葡萄，香印提子結實飽滿，香甜多汁，貓眼提子則清甜肉嫩，皮脆味香，兩者互相輝映！
▲貓眼帕芙洛娃（圖下），底部的帕芙洛娃是由蛋白、糖及粟粉等食材以低溫焗製而成，入口鬆脆，與Q彈的提子口感，一拍即合!
▲蟹肉壽司卷配香印葡萄莎莎，入口啖啖蟹肉，壽司卷上層放有洋蔥、三色椒、檸檬汁及切粒香印葡萄炮製而成的沙沙醬汁，味道酸酸甜甜，非常開胃。
備註
價錢：成人HK$265 小童HK$185，另加一服務費
@花月庭
地址： 九龍太子道西193號帝京酒店2樓
電話：2622 6154
供應日期：即日起至2021年1月3日
供應時段：星期六、日及公眾假期15:00-17:00
文字來源：香港人遊香港