呢間台菜非常出名，有好多人推薦。餐廳嘅裝修好有台式古早味，並以半自助方式畀食客攞碗筷同食水，一行入去感覺好似置身台灣咁！比較多人叫嘅係三寶牛肉麵同炸雞腿便當。三寶牛肉麵嘅三寶包括牛腱、牛筋同牛肋條，一次滿足哂你三個願望，而炸雞脾都係即叫即炸，熱騰騰上枱，食落一啲都唔油膩，撒咗調味粉好香， 有台灣夜市嘅感覺！
▲ 三寶牛肉麵 (川味紅燒) ($88)：「三寶牛肉麵」湯底味道比較清甜， 三寶包括牛腱、牛筋同牛肋條，可以一次過試哂三種牛肉，牛肉入味，肉質唔錯，好滿足！
▲ 炸雞腿便當 ($68)：炸雞腿真係炸到有台式風味，落咗椒鹽好香！
▲ 成個便當有一半菜仲有半隻滷蛋滷豆干，超足料！
▲ 甜不辣 (小) ($10)：質感軟糯但又彈牙，同酸酸甜甜嘅醬汁好夾！
▲ 珍珠奶茶 (大) ($28)、蜂蜜咸柑橘 (大) ($23) ：食台菜梗係要配返杯台灣手搖飲品！
六両三
地址：觀塘巧明街107號國基集團中心4樓2號舖／尖沙咀宜昌街3號地下
電話：3620 3696／3462 2140
文字來源：香港人遊香港 / 圖片來源 ：＠60s.foodie