通常食薄餅都是嗰幾間大型連鎖店，其實小店都有佢哋嘅特色！呢間喺土瓜灣嘅親民平價薄餅餐廳，價錢比連鎖店更大眾化，好抵食，值得大家去試！Pizza 嘅三款醬底分別有蕃茄醬底、千島醬底同特色醬底，每款醬底都有好多選擇。呢間pizza店最好嘅係pizza有分三個size，平時兩個人嚟食都可以叫個迷你批，仲可以有空間再試其他美食！ 6吋細批呎吋可以叫做心心形狀，好靚，好特別！炸雞同樣係必叫， 炸皮啱啱好，唔會過份厚，而且超級脆！
▲ 怪獸多寶迷你批 ($62)： 薄餅是即叫即做，上枱熱辣辣！ 厚批底鬆軟，上面有有洋蔥、青椒、辣肉腸、火腿、蘑菇、菠蘿、牛肉、豬肉同蕃茄醬汁，材料多樣！芝士仲好香濃，拉絲口感好正！
▲ 芝士仲好香濃，拉絲口感好正！
▲ 黑松露雞柳炒意粉 ($72)：配料都好多洋蔥，青椒和番茄仔，雞柳很軟腍，意粉煮得唔會太軟！
▲ 招牌炸雞 ($17/1)： 即叫即炸，有啲似韓式炸雞，皮脆肉滑，水準相當高！
▲ 法式蒜蓉包 ($37)： 蒜蓉包焗得好香脆，而且充滿蒜蓉味道！
▲ 餐湯：跟意粉免費，好足料！
Pizza Monster
地址：土瓜灣馬頭圍道418號樂意居地下2號舖
電話：2330 3810
文字來源：香港人遊香港 / 圖片來源 ：＠glassesgor_diary