位於中環前身為政府辦公大樓改建的美利酒店，其頂樓的餐廳擁有180度的開揚靚景，中午時分有半自助餐提供。前菜採用自助形式，有即場手切肥美Parma ham、基本的煙熏三文魚、沙律菜、芝士拼盤等。當中推介一袋袋的清酒煮蜆，因封鎖了肉汁，令其鮮甜美味得以保留還帶少少酒香，非常美味。另外，主菜的手切牛肉他他，牛肉新鮮嫩滑配上帶酸的醬汁非常醒胃。這餐廳的下午茶甜品引來不少人來打卡，享用這午餐就可以無限任食其甜品，不用就住就住啦！
▲即場手切Parma ham，肉質柔軟脂肪比例剛好，鹹香不會太重。
▲清酒煮蜆，一袋袋包好的蜆用上清酒一同煮，因封鎖了肉汁，令其鮮甜美味得以保留還帶少少酒香，非常美味。
▲煙熏三文魚，三文魚肥美嫩滑入口帶少少煙熏味道。
▲芝士拼盤，有幾款芝士迎合任何人。
▲青豆濃湯入口有陣陣香濃的青豆味和質地幼滑。
▲手切生牛肉他他，牛肉新鮮嫩滑配上帶酸的醬汁非常醒胃。幼身薯條炸得香脆不油膩夠乾身配牛肉一流。
▲香煎比目魚配檸檬醬汁，魚皮煎得香脆可口而魚肉比較有咬口配檸檬醬汁微微帶酸和清香相配得宜。
▲精緻的懸浮新鮮雜果配芒果汁蛋白糖霜，芒果汁香甜配新鮮什果甜度剛剛好。
▲甜品有多款選擇，有馬卡龍、芝士蛋糕、千層蛋糕、青蘋果味閃電泡芙等。
Popinjays
地址：中環紅棉路22號The Murray Hong Kong 美利酒店26樓
電話：3141-8888
文字/ 圖片來源：香港人遊香港