開喺廟街嘅The Jungle主打墨西哥同尼泊爾美食，裝修特別，入到去好似去咗Jungle森林咁，燈光暗暗地，又幾有情調，啱哂三五知己一齊傾下計！食物選擇唔算多，大部分都係墨西哥同尼泊爾嘅特色美食，例如moomoo就係尼泊爾餃子，外型好似小籠包，配上酸辣醬夠哂開胃，好值得大家去試！所有staff都係外藉人士，全部都好nice好有禮貌！建議跟set叫，lunch平均一位都只係$78，仲包starter同soft drink，抵食！ ▲ 辣肉腸Pizza：pizza 足料，口感食落都幾豐富！ ▲ 蕃茄雞肉意粉：整體偏辣，唔食得辣嘅朋友記得要叫佢小辣！ ▲ Rib Eye：跟set 叫要加多$20 upgrade，牛排高質，而且好juicy！ ▲ 餐湯都用心製作，好濃郁！ ▲ moomoo：即係尼泊爾餃子，外型好似小籠包，但個皮更煙韌，加埋中間酸辣醬汁，惹味又多汁! 文字來源：香港人遊香港 / 圖片來源...