在粉嶺區內以豬手同牛丸而馳名老字號，店外經常堆滿等外賣、等入座既朋友，絕對唔係因為餐廳環境有多優美。彈牙牛丸肉味濃郁，令人食完一粒再一粒，更精彩既係炆得軟腍腍既白烚豬手，肉多骨少，而且唔會太油膩。 ▲彈牙既牛丸配麵（＄35），首先佢個牛丸口味有牛香，唔似坊間咁重粉，加埋佢獨家辣椒醬，辣椒醬辣度適中，-有股-香蒜味，會令人食上癮。 ▲豬手（＄33）件件都大大舊，肉多骨少，一點都不吝嗇，咬落炆得非常腍，一般食店愛用南乳來炆豬手，呢度豬手只是白烚的，完全食到豬手原始風味。 ▲自家製既家鄉炸卷，係薄薄既腐竹皮包住牛肉，十分香口！ ▲群記唔係好多款式，生意超好，最快賣哂係豬手。 群記牛肉圓豬手 地址：粉嶺聯和墟聯昌街5號豐景樓地下電話：2675 6382 文字來源：香港人.遊香港／圖片來源：@raymondtangxx、@amandadababy、@mattychiu0702、@scorpiomidi）...
入口超鬆化！ 最近有一新德國餐廳進駐沙田，食德國豬手又方便咗。德國餐除咗食豬手，仲可以食下德國燒豬，燒豬用黑麥啤酒浸，啤酒內的酵母會令到豬肉肉質鬆軟又香濃，焗一焗即刻皮脆肉嫩。前菜推介忌廉芝士煙三文魚卷配香橙奇亞籽汁，軟軟的芝士加甜甜酸酸的汁，非常醒胃，食多隻豬都仲可以！ ▲德國黑麥啤燒豬配椰菜及甘筍沙律紅酒燴洋蔥，浸過黑麥啤的豬肉肉質鬆化和入口軟淋，而且外皮焗到脆卜卜和旁邊的甜味醬汁好夾。椰菜及甘筍沙律仲可以減少油膩感。 ▲德式香腸拼盤配燒薯酸椰菜，共有6款不同香腸。肉汁豐富，當中的芝士香辣腸，腸內溶化的芝士加上微辣的味道，令人一試就愛上。 ▲忌廉芝士煙三文魚卷配香橙奇亞籽汁，煙三文魚包著軟綿綿的忌廉芝士，點上甜甜酸酸醬汁，非常醒胃。 ▲龍蝦忌廉湯，龍蝦味香濃，湯中有一粒粒龍蝦肉從而增加口感和提升味道。 ▲匈牙利牛肉湯，入口有濃濃的牛肉味而且材料非常豐富，牛肉、紅蘿蔔、洋蔥、薯仔、西芹、紅椒等。 ▲鄉村肉批，薯仔切絲煎到金黃色，香口脆身，而肉批厚切大大件好足料，味道有點似牛餐肉。再加蛋黃一齊食會更加美味。 ▲Hacker-Pschorr Munchner Hell，酒身清澈，入口有少少甘味，爽口。而Erdinger Dunkel，黑啤麥味濃郁，帶有微微麥甜，容易入口。 Beerliner German Bar & Restaurant 地址: 沙田沙田正街18號新城市廣場第1期108號舖電話: 21528968營業時間: 12:00-23:00 文字／圖片來源：香港人.遊香港...
