土瓜灣食咩好

土瓜灣Cafe:【復古風咖啡店！超有打卡feel！多款年代感擺設！嘆日式定食！】-呼吸咖啡店

位於土瓜灣的一間咖啡店，新店從冰室搖身一變成為復古咖啡店！入面擺放超多款茶杯、舊單車、紅郵筒等等，室內整體裝修都好有好有打卡feel！小店提供多款輕食及咖啡，多款日式美食擺盤都非常精緻，包括柚子介醬即煮高湯玉子卷燒、咖哩4A鹿兒島和牛飯、玫瑰latte、香蕉朱古力雪糕窩夫和小英式鬆餅配手打忌廉果醬等等多款日式定食！ ▲柚子介醬即煮高湯玉子卷燒、玫瑰 Latte（圖右下）和橙紅酒朱古力（圖左上）。 ▲日式薯仔沙律、豆腐皮漬、咖哩4A鹿兒島和牛小碗飯。 ▲香蕉朱古力雪糕窩夫和小英式鬆餅配手打忌廉果醬， ▲餐廳都沿用番之前冰室所用嘅檯凳，令到餐廳保留番年代感！ ▲店舖有多款茶杯，形成一道茶杯墻！文字來源：香港人遊香港/圖片來源：@alwayshungryss、@ahkittt.yan、@hk.foodmap...

食通天 Cafe 九龍九龍城區嘆咖啡嘆生活

#真香港人小店：【土瓜灣精品咖啡小店！必試鎮店之寶Tiramisu+芝士蛋糕！】

位於土瓜灣舊區嘅一間咖啡店，與區內的唐樓形成強烈的對比，店舖裝修以白色為主調，感覺非常清新！店舖主打各種精品咖啡和自家製的Bagel，手作甜品就有Tiramisu和Cheese Cake，兩款甜品都係人氣之選，仲有必試嘅濃縮奶Dirty和各款精品咖啡。 ▲店內嘅Dirty一定要試，因為係全港首創用濃縮奶製作而成，香甜幼滑，而且係每日限量。 ▲Tiramisu係用自家製嘅咖啡燒燒酎去做酒底，手指餅浸咗後加埋頂級芝士，絕對係誠意之作。 ▲呢個稱之為絕不妥協Cheese Cake，絕對係店舖人氣之選，如果想要原個蛋糕記得提前3日預訂！ ▲仲有店舖自家製嘅Bagel，包括Poppyseed和Plain兩款口味！文字來源：香港人遊香港/資料來源：On The Hill Coffee Bar...

上海菜土瓜灣食咩好小籠包鍋貼

【土瓜灣街坊推介老上海早餐店！】

必食即包粢飯同咸豆漿！香港有唔少上海食店，不過大多只做午市、晚市，呢間裝修格局簡樸，唔少街坊推介即包粢飯同咸豆漿，食一份已經係一餐豐富早餐！粢飯每日新鮮即叫即整，酥脆既油炸鬼，加上豬肉鬆同榨菜，包裹係糯米飯內，風味甚佳！而咸豆漿更係老闆親手調製，麻油加上各種豐富配料的確香氣十足！ ▲即包粢飯（$18），粢飯堅持新鮮即叫即做，內餡酥脆油炸鬼、香脆豬肉鬆、榨菜，配上煙韌軟糯糯米飯非常得宜。 ▲咸豆漿（$13）係由老闆親自製作，先放少少鹽入碗，加入咸香蝦皮、葱花，燙熱既豆漿從高處一沖，加入豉油浙醋、麻油同油炸鬼碎，咸咸地香滑順口！ ▲鍋貼（$22/4隻）使用上新鮮人手搓壓鍋貼皮，厚薄適中，內餡手剁新鮮豬肉 ▲鍋貼（$22/4隻）皮都幾厚，不過就容易煎到底脆，內餡鮮甜多汁。 ▲熱辣辣小籠包（$48）一籠有八隻 ▲小籠包（$48）唔係一般既皮薄灌湯，咬入去肉味鮮、肉汁豐富。上海美華菜館地址：土瓜灣美善同里13號電話：27150762營業時間：06:45 – 22:30 文字來源：香港人.遊香港／圖片來源：@kaeho、@love_meow_meow、@jbut777、@littlicathy...

土瓜灣食咩好粟米忌廉湯茶餐廳

【鮮榨粟米！頂級餐肉粟米忌廉湯通粉！】

好多人黎呢度食茶餐都會放棄長勝將軍－沙嗲牛，反而追捧呢個「頂級餐肉粟米忌廉湯通粉」，跟餐仲會配滑滑炒蛋同厚多士，聽聞粟米濃湯底並唔係用罐頭貨色，而係用新鮮粟米磨成，甜甜粟米忌廉湯掛上通粉，唔覺唔覺就好快飲哂d湯。 ▲舊址坐落地係之前石油氣爆炸既茶餐廳，茶餐廳結業後就開左呢間一冰廳，開左冇耐已經有唔少捧場客。 ▲頂級餐肉粟米忌廉湯通粉($34)以為「新鮮即磨」呢個形容只可以用係咖啡之上？原來粟米忌廉湯都可以！呢度粟米忌廉湯係用新鮮粟米磨出黎，特別好食！ ▲頂級餐肉粟米忌廉湯通粉($34)厚身午餐肉粒食落好有口感！用上頂級既豬仔嘜餐肉，口味感範扎實。 ▲沙嗲肥牛一丁+炒滑蛋多士($35) 唔鐘意忌廉湯既朋友，可以揀返沙嗲肥牛，質素一d都唔差！一冰廳地址：九龍土瓜灣長寧街53號地下電話：2333 9835 文字來源：香港人.遊香港／圖片來源：fp.pama、timothyli8278、chrisyeung68...

Sign Up