公和荳品廠屹立九龍城六十年，見證住香港唔同嘅變化，可惜最後都係捱唔過社區重建，只可以做到今年9月。舖頭買嘅嘢只係普通嘅豆製品，不外乎係豆腐花、魚肉豆腐同煎釀三寶呢啲小食， 佢哋嘅豆腐花滑嘟嘟， 豆味夠香，又唔會太甜，加埋黃糖啱啱好！ ▲招牌豆腐花 ($14)：公和最出名嘅一定就係豆腐花！入口即溶，荳品廠出產果然係唔同！ ▲煎釀豆腐 ($10/2件)： 豆腐香滑結實唔易散開 ，魚肉雖然薄薄一片，但兩樣加埋非常有口感。 ▲香煎蘿蔔糕 ($10/2件)：蘿蔔糕足料又夠味，兩邊煎得啱啱好，薄薄地一層燶邊，食落香口，覺得唔夠味可以加少少辣椒醬！ ▲ 自家製腐乳 ($70/大、$30/小)：腐乳有兩種size畀大家揀，有時拎嚟餸吓飯同粥都唔錯！ ▲九龍城店做到9月咋，未知會唔會原區重開，所以要食就要把握時間啦。 文字來源：香港人遊香港 / 圖片來源：@wanttoeat4u、@createkent 、@luxria.dine...