佐敦食咩好

佐敦Cafe：【型格工業風手工咖啡！必食卡邦尼煙肉意粉香口彈牙！】- Cafe Revol

呢間小店位於佐敦人流較少的街道上，走工業風，門口室外位置更有幾個吧枱位配一幅水泥牆，非常型格打卡一流。小店提供了不少特式咖啡飲品更有自家咖啡粉售賣，方便愛咖啡人士。除了不同的咖啡，食物都是非常有質素。當中的卡邦尼煙肉意粉更是必食，意粉中間的蛋黃非常搶眼，意粉粗身有咬口又彈牙，加上煙燻煙肉煎得香口乾身和芝士碎一齊撈埋簡直一絕。小店都是用上日本雞蛋可以安心食用。 ▲卡邦尼煙肉意粉，意粉有咬口，煙肉煎得香口乾身混埋中間的蛋黃一絕。 ▲63.5度慢煮班尼迪蛋伴煙三文魚牛油果，雞蛋流心效果好治癒，蛋白仲好滑溜溜。煙三文魚和牛油果的份量都不少。 ▲士多啤梨西瓜蛋糕，杏仁蛋白餅，中間有厚厚的一層西瓜果肉，頂層仲有滿滿的士多啤梨和紅提子，非常清新。 ▲自家咖啡，可以買回家方便即時品嘗。文字 / 圖片來源：香港人遊香港、Cafe Revol...

油尖旺區

【陝西家鄉口味！Biang Biang麵！】

店主係陝西少數民族，最拿手做西安特色Biang Biang麵，每條足足有麵條近3cm闊，叫又腰帶麵！入口又比較像腸粉，滑而爽口，掛上辣度十足既香料同醬汁，香而不麻，愈食愈好食！唔怪得連續幾年都獲米芝蓮推介！ ▲尖椒炒雞蛋，清清爽爽青椒香搭配煎的香酥雞蛋，送白飯一流！ ▲製作Biang Biang麵用料簡單，高筋麵粉、鹽和水，但極費力氣，必須反覆揉壓、推拉、甩打。 ▲羊肉餃biang biang麵（＄52）加入大量炸蒜、生蒜、乾辣椒和醋，充分呈現陝西菜獨特的酸辣蒜香 ▲腊味肉夾膜，夾着臘汁豬肉，外面係有煎乾麵包質感，不過唔會太硬！有緣小敍地址：佐敦文苑街36號地舖電話：53002682營業時間：11:30 – 17:00、18:00 – 21:30 地址：中環和安里14-15號地下B舖電話：52966630營業時間：11:30 – 17:00、18:00 – 21:30 文字來源：香港人.遊香港／圖片來源：@33ayapan、＠pixeve、＠mzjstewart、＠nomkonger...

油尖旺區

【😈極邪惡！流沙海膽大蝦多士😍】

食咗先講！佐敦呢間鐵板燒店，主打海鮮鐵板燒，鐵板上滋滋作響嘅聲音再加埋香氣四溢嘅氣味，食慾即刻返哂黎！必食限定小食北海道海膽流沙大蝦多士，燒蝦超大隻，而且海膽份量足夠鋪滿整塊多士😍，睇得出師傅落足心機，個人最愛就一定係脆皮煎鰻魚，塊鰻魚皮煎到好香脆好好食！另一道招牌甲羅燒層層海膽杯，蟹蓋裡面由下而上放滿蟹膏、魚子、蟹肉等等，層次勁豐富！ ▲招牌脆皮煎鰻魚，-魚皮好香脆好好食！ ▲海參又鮮甜又爽滑，仲好鬼惹味，而且份量十足！ ▲鮮甜嘅北海道紫海膽流沙同大大隻泰國老虎蝦，放上脆卜卜嘅長法國包 ▲蟹蓋裡面由下而上放滿蟹膏、魚子、蟹肉、海葡萄，海謄和黑魚子醬！ S2 鐵板燒地址：佐敦偉晴街29-37號地下6號鋪時間：16:00 – 02:00電話：2885 8955 文字來源／圖片來源：香港人.遊香港...

油尖旺區

【超霸氣！極大海鮮航空母艦！】

香港都有喇！前排好興個蒸海鮮，依家又唔見哂，唔知呢個海鮮航空母艦會唔會掀起熱潮呢？成個鍋真係霸氣逼人！而且海鮮真係好新鮮好豐富，食之前肯定要相機食先，超讚花蟹非常新鮮，內裡亦有肥美蟹膏。不過咁多海鮮味道真係好濃郁架，所以如果好似小編咁冇咁重口味既，建議加水代替加湯，會冇咁咸既！ ▲每位收費由$208(4位起)，就可以食到每日8款時令海鮮+4款蔬菜+自選5款火鍋配料 ▲落單先首先揀湯底，佢地既招牌辣汁有4種辣度，揀微辣非常惹味但唔會掩蓋海鮮鮮味。 ▲其實個鍋真係好大！有新鮮青口、帶子、海蝦、鮑魚、蜆、花蟹、八爪魚仔、貴妃蚌做材料，其實唔太大食都ok！ ▲d蟹上鍋時仲係好生猛 ▲配料－安格斯特級肥牛，絕對係厚切！而且油脂分佈平均，相當有誠意！ ▲醬料九宮格選擇亦非常多，中間黃色既海南辣椒醬尤其特別。澳門台山水佬榮火鍋專家地址：佐敦佐敦道上海街佐敦中心37C-37D號3-4樓電話：23278282營業時間：17:30 – 02:30 文字來源：香港人.遊香港／圖片來源：kokyan_yaya、nutsary_issi...

Sign Up