台灣西門町既阿宗蚵仔麵線,去過台灣既都一定食過,之後係其他地方食既麵線始終都差少少!但而家係葵廣竟然有小食神重現阿宗麵線既味道,試過既都話味道有九成似!HKD$25一碗蚵仔麵線絕不欺場,蚵仔都幾大隻飽滿,食落有鮮味!麵線夠幼,食落其實似碗仔翅咁,濃稠度適中,加入左香菜同菜脯就更有台灣風味,依個人口味仲可以再加入辣油、炸蒜等等就更惹味!除左蚵仔麵線,小店都有賣綜合麵線、拌麵、滷肉飯等,都好有台灣風味!咁以後想食台灣美食就唔洗飛台灣都食到啦! ▲葵廣美食眾多,但呢間賣台灣食物既小店最近就大熱,因為佢賣既蚵仔麵線口味夠傳統,試過既都話同台灣既有九成相似! ▲蚵仔麵線(hkd$25)落足料!蚵仔都大大隻,好飽滿兼有鮮味,麵線都夠幼已經份量唔少! ▲想食得更惹味,可以依個人口味加入辣油、炸蒜等等,撈埋一齊食就更正! ▲除左蚵仔外,都可以點蚵仔魷魚雙併,或者綜合麵線,有齊大腸、花枝丸、肉丸! 台南皇麵線 地址:葵芳葵富路7號葵涌廣場3樓85A號舗 電話:62269817 文字來源:香港人遊香港 / 圖片來源:@gabriel01105、@manvinkk、@eatwithkh、@hiheidifoodie...
記得元朗岩岩有布丁燒果時,身住大西北既小編收到唔少朋友要幫手買,依家葵廣都有得食喇!雖然佢總共有好多口味,但想食某一款可能都係撞手神,新鮮出爐布丁燒可以熱食,好似原味同朱古力咁,會食到佢滑滑既口感,不過某d口味都係凍食好食d,好似咖啡味咁。 ▲茉莉花茶布丁燒($38) 清香嘅茉莉花茶味加入布丁燒最岩凍你,食落真係滑不溜口! ▲咖啡味布丁燒 ($38)好有四洲果隻咖啡糖feel,如果要凍食就要等出爐一段時間後會放入雪櫃,先可以倒出黎食! ▲抹茶布丁燒 〈若竹〉 ($38) 全部口味最頂層係焦糖,而中間布丁,最底層係輕芝士蛋糕,凍食就可以先嚐焦糖。 ▲凍椰爺布丁燒 ($38)製仔作布丁燒時加入新鮮椰青水同椰青肉,椰青芳香撲鼻。 呦呦鹿鳴布丁燒 地址: 葵芳葵富路7號T6舖葵涌廣場3座呦呦鹿鳴布丁燒 樓3069號t5營業時間: 11:30–21:00 文字來源:香港人.遊香港/圖片來源:@go.chi.so.sa.ma、@flomania.hk、@pitamisha、@kelvinleeyukting...
食得辣既朋友要試喇!呢間葵廣小店主打食辣,秘製Wasabi味的麻辣手撕雞手卷係重中之重既食品,手撕雞撕得細細條,麻辣汁每日製作,兼具麻辣香得過癮。其他麻辣食品分大辣、中辣和小辣三個辣度,比你挑戰一番! ▲大份手撕雞蒿麥麵(HK$35)手撕雞份量都幾多,紅油滲進麵食落都好刺激! ▲秘製Wasabi味麻辣手撕雞手卷(HK$19)食唔到辣既朋友總會覺得刺激到咀都腫,雞肉唔算嫩,不過食落有彈性。 ▲麻辣鳳爪($28)既帶花椒香又麻,買返屋企送酒就最岩。 ▲麻辣牛肚牛腱-HK$30 無辣不歡 地址:葵芳葵富路7號葵涌廣場2樓2019號舖電話:68031280 文字來源:香港人.遊香港/圖片來源:@queenieruby、@yanziyanzi119、@vv829、@yokooooho—————————————————————...
葵廣又有新嘢!最近新開咗間布丁燒店,主打唔同口味嘅布丁,例如伯爵茶味、抹茶味同朱古力味,而最受歡迎就係招牌椰爺布丁燒就最出名啦,用咗新鮮椰青果肉去整,食落十分清香,加上佢軟滑,啖啖都好似食緊慕絲。而佢哋每日唔同時段都有唔同口味嘅布丁新鮮出爐,想食新鮮熱辣嘅布丁,記住留意定Facebook專頁啦! ▲伯爵茶布丁燒,茶香四溢,入口香滑! ▲雲尼拿原味布丁燒。 ▲招牌椰爺布丁燒日日都新鮮出爐,清新嘅椰青味,仲俾你食到粒粒椰青肉,熱辣辣新鮮出爐,真喺成層樓都聞到啊! ▲每日唔同時段都有唔同口味嘅布丁新鮮出爐,又要排長龍嚕! 呦呦鹿鳴布丁燒 地址:新界葵涌廣場3樓Top世界3069號T5-T6舖電話:9176 7426時間:13:30-22:00,星期二休息 文字來源:香港人.遊香港/圖片來源:呦呦鹿鳴布丁燒...
葵廣最近有唔少泰國野進駐,呢間既三色芒果糯米飯 絕對同係bangkok有得比!一份糯米飯配上2 大塊鮮甜芒果,色彩斑斕既三色芒果糯米飯,白色原味、紫色係蝶豆花味、綠色係斑斕味,全部都係天然色素,鮮甜芒果用上水仙芒,有種香料餘韻而靠椰奶調味。 ▲三色芒果糯米飯($20),三款糯米軟硬恰到好處,咬落糯米飯粒粒分明,而且蝶豆花味淡淡花香感覺清新;斑蘭香味獨特。 ▲黑白芒果糯米飯($20)黑白糯米飯就係平日食既黑白糯米,配上香甜椰汁同樣好味。 ▲玫瑰花椰汁千層糕($20/6件)煙韌軟糯口惑一流·,兩者味道突出,甜度適中。 ▲玫瑰水晶糕($20/6件) 晶瑩剔透既玫瑰花水晶外表,一樣綠色千層糕係斑蘭味,淺紫色就係蝶豆花味。 泰糯米 地址:葵芳葵富路7號葵涌廣場2樓C10C號舖 文字來源:香港人.遊香港/圖片來源:@rubisawind、 @yslic、@ber___18、@miss_cukiee...
#新店速報! 當大家瘋狂排緊隊買黑糖珍珠奶茶嘅時候,葵廣呢邊亦有一間主打黑糖啫喱奶茶同埋芝士奶蓋嘅台飲店新開張。茶飲店店面較小,簡單用木製牌作餐牌展示,隨便點了杯玉露芝士奶蓋,細膩綿密,奶香純正,飲落都算係幾滑身,芝士唔會覺得太漏。店舖外邊仲準備咗一道花花牆方便大家打卡,掃完街買返杯就啱啱好! ▲淺賞一口芝士奶蓋,咸咸的。配以茶飲,濃濃的芝士味夾雜著清香的綠茶,恰到好處 ▲炎炎夏日一定要飲下啲水果茶解下渴喇 ▲原葉芝士奶蓋 ▲芝士火龍果係用新鮮越南火龍果攪拌,再加上一層紐西蘭芝士打成奶蓋,清新又creamy! 悟茶 地址:葵芳葵富路7號葵涌廣場地下A45號鋪電話:91621669 文字來源:香港人.遊香港/圖片來源:悟茶...