這間澳門人氣冰室的西多士系列非常出名，包括有招牌OREO流心魔鬼西多士、奶醬西多士、懷舊紅豆西多士及法蘭西多士，全部西多都好足料，厚度有成3層麵包，而且用料豐富，味道濃郁，食落香口酥鬆，深受街坊歡迎！當中的招牌OREO流心魔鬼西多士亦有升級版，新配方同樣用上OREO脆脆，配上調教過的芝士忌廉醬， 再加入Nutella榛子醬脆脆夾心，變成一個升級版嘅邪惡組合，好吸引！
B.Duck聯乘新濠影滙推出首個B.Duck主題Staycation，破天荒打造了史上最具規模的B.Duck王國！新濠影滙的主題酒店客房放上大量B.Duck佈置，酒店內亦有多個B.Duck大型萌爆打卡點。
呢間隱世花店隱匿於繁忙嘅大街中，外牆鋪上灰色嘅水泥、木同馬塞克，看上去樸素不起眼，但入面卻係令人眼前一亮。花店總共有三層，第一層為花店，以木系傢具為主，天花板吊上乾花作伴，可以話係自然感十足。第二層主要係售賣香薰、蠟燭等等，同樣放置大量植物。但呢啲都係其次，最重要係呢到嘅打卡位。天花板上掛住一個大型乾花花圈，外面嘅陽光喺兩層高嘅落地玻璃照射入嚟，外面嘅背景係一棵大樹，唔知仲以為自己置身喺森林中。而第三層則係職員休息室。 ▲門口放置大量治癒心靈嘅植物，花店隱匿於鬧市中，就好似世外桃源一樣。 ▲用乾花整成嘅大型花圈，俾人一種身處喺大自然嘅感覺，幫心靈叉叉電。 ▲於二樓出售香薰同蠟燭，未拆包裝香味就已經迎面而來，有咁多唔同款，真係想全部帶哂番屋企！ ▲第二層亦展出與植物相關嘅居家用品。 ▲花店提供客制服務，設計屬於你嘅花圈，放喺屋企到增添大自然氣息。你仲可以參加workshop，自己整獨一無二嘅花圈！ ▲仲可以喺到食到由Rocca Patisserie製作嘅富有澳門特色嘅麥芽糖甜品，清甜酥脆。 The Grey Green 地址：澳門蘇亞利斯博士大馬路南灣C-Shop電話：10:30 – 19:30營業時間：853 2850 9180 文字來源：香港人遊香港／圖片來源：@barbie_littoo、@tsudaniel、@chenyuandchenyu、@thegreygreen...
由澳門人一手推薦既倫記腸粉唔小心hit左，聽講質素成日都好唔一致，今日小編介紹同樣係澳門人推薦既皺皮腸粉，佢地每日新鮮磨米漿，陣陣蒸氣保證新鮮熱辣！面對明記既名氣，老闆只係默默係店內做腸粉。 ▲火鴨絲拉布腸加蛋（＄21）大大碟火鴨絲入面有陳皮絲味道變得香 ▲拉布腸蔥花都唔少啊～ ▲除左腸粉之外，呢度仲有粥賣！及弟粥（＄20蚊）唔似得出面有咁多種材料，不過粉腸同豬潤就落足料，有家庭味道！ ▲呢度腸粉都係賣緊平民價！ 潤華小食 位置： 筷子基大榮超市對面 文字來源：香港人.遊香港／圖片來源：food__comida...
由車仔檔做到入鋪，每日係鋪頭拉雪白纖細糖絲，龍鬚糖一絲絲念念不忘，清甜而唔膩！街坊話幾年前只係紅街市旁既一個小販檔。佢地既龍鬚糖雪凍好食d，今年仲創新地製作雪糕龍鬚糖，以幼滑龍鬚糖絲包住香濃醇滑既雲呢拿雪糕或朱古力雪糕，夏天食令人念念不忘。 ▲雖然龍鬚糖師傅已經退休交棒比兒子，偶然都技會出黎露兩手 ▲龍鬚糖餡料有砂糖、花生、芝麻同椰絲，一絲絲放入口中清甜十足！ ▲除左杏仁餅之外，買手信可以選擇龍鬚糖！ ▲龍鬚糖絲包住香濃醇滑既雲呢拿雪糕，最岩夏天食！ ▲龍鬚糖朱古力雪糕 祐記龍鬚糖 – 澳門手信 伴手禮 地址： 澳門瘋堂斜巷25號MO 瘋堂斜巷25號 澳門瘋堂斜巷25-BB Macao, China營業時間： 11:00–20:00電話： +853 6588 9928 文字來源：香港人.遊香港／圖片來源：pikpik_channel、foodgiate、yaukeicandy...
仲有超多梳乎蛋主題美食！ 週末hea住而不失霸氣遊澳門，小編今日有好介紹！喺澳門南灣，舉辦左銀娛呈獻：梳乎蛋在澳門 活動，人稱「蛋黃哥」既10米高梳乎蛋已經坐定定喺浮台上，超多主題打卡位，蛋黃哥仲藏身係葡撻、豬扒包同杏仁餅之中，梳乎蛋萌爆造型令人難以抗拒！仲有弘款美食好似懶洋洋蛋撻、至Hea水果蛋糕都度身訂做地加入得意Hea樣，真係好得意呀！ ▲人稱「蛋黃哥」既梳乎蛋公仔推出原來已經有5周年，依家已經現身澳門南灣．雅文湖畔！ ▲10米高蛋黃哥懶得黎好有霸氣，小編都排左呢個打卡位一陣先影到！黃澄澄既蛋黃哥係藍天碧湖襯托之下真係特别sharp醒！ ▲正門入口處蛋黃哥化身為富有葡國服飾風情船夫！ ▲蛋黃哥一時又變身甜品師傅，製作葡撻！ ▲蛋黃哥黎澳門點可以唔買手信？梳乎蛋已經寫意地躺係巨型杏仁餅等緊你喇！ ▲蛋黃哥比人夾左入豬扒包入面呀，快d去拯救佢！ ▲除左影相打卡呢個指定動作外，現場仲有多款美食，呢個梳乎蛋撻真係好cute～ ▲美食之一黃桃丹麥酥 ▲「馬介休梳乎蛋香腸」、木槺布甸、橙汁特飲 ▲而美食黎講小編最推介佢地呢個溫泉蛋！ ▲點少得得意造型既梳乎蛋精品！ ▲仲有4個精選攤位遊戲玩！ ▲主題攤位遊戲＄50／4次！最岩一家大細一齊玩！ 梳乎蛋在澳門 日期：2018年10月6日至11月4日時間：星期一至星期四 下午4時至9時星期六至星期日 上午11時至下午9時地點：澳門南灣雅文湖畔費用：免費入場*10米高充氣梳乎蛋展覽時間：每天上午九時至下午九時 文字／圖片來源：香港人.遊香港...
中秋去澳門，除左有煙花睇，有美食食，晚上仲可以行下澳門壹號廣塲及永利澳門之海濱長廊既國際花燈節，今次仲展出十件約高6至12米以「 Love is in the air」為題的當代藝術巨大發光燈籠雕塑裝置，當中彩色巨型玉兔一定係重點打卡位！ ▲海濱長廊澳門壹號廣塲地段的玉兔藝術裝置作品:(左起) 《情人》、《伊甸愛情果 實》和《Origami Love Rabbits Tree》。 ▲(左起)《大家愛的兔子》和《情人》。 ▲海濱長廊永利澳門地段的藝術裝置作品主題「蝶舞翩翩耀永利」，特別注入彩蝶、月球 和花卉等花燈設計元素。 ▲玉兔藝術裝置作品:《情人》。 ▲「蝶舞翩翩耀永利」，其中包括大型蝴蝶花卉藝術裝置。 第三屆澳門國際花燈節 花燈亮燈時間：6:00pm – 01:00am地址：澳門外港新填海區沙格斯大馬路澳門壹號廣塲電話：(853) 2822 2345 文字來源：香港人.遊香港／圖片來源：澳門壹號廣塲、永利澳門...
夏日炎炎，最啱就係去水上樂園💦玩下啦！澳門銀河最近就推出夏日住宿套票，除咗可以住靚房之外，仲可以玩盡天浪淘園，嘆個靚Spa，夜晚再去「百老匯美食街」搵食，唔駛周圍走已經可以玩足全日，真係好爽呀😍 ▲「澳門銀河」匯聚六大世界級酒店，包括澳門麗思卡爾頓酒店、澳門 JW 萬豪酒店、澳門悦榕庄、澳門大倉酒店、「銀河酒店TM」及「百老匯酒店」，提供超過 4,000 間客房、套房同別墅。 ▲由即日起至2018年8月31日入住嘅「澳門銀河」夏日套房住宿優惠，由港幣2,298元起，優惠包括免費暢玩天浪淘園的水上設施，按摩療程以及UA「銀河影院」2D戲票2張。 ▲天浪淘園佔地 75,000 平方米， 設有全球最長、達 575 米嘅空中激流、150米長嘅人工沙灘以及專為兒童而設嘅水上遊樂區，不論大人定細路都可以玩得盡興！ ▲玩完仲可以去餐廳嘆番杯Cocktail同食個雜果杯消下暑添！ ▲玩完水就可以去做番個60分鐘嘅Spa放鬆一下喇！憑套票可享用兩間「澳門悦榕 Spa」或「澳門怡世寶水療」水療療程一次。寬敞舒適嘅房間，配上柔和嘅音樂做Spa，真係令人非常享受！ ▲晚飯時間則可以到「百老匯美食街」覓食，由「澳門銀河」穿過行人天橋，約90秒即可直達「澳門百老匯」，個度雲集咗40多種澳門及亞洲地道特色美食，不論係路邊小食攤定係米芝蓮餐廳，喺呢度你都可以搵到！ ▲喺舞台位置，每晚仲會有街頭表演添，除此之外亦提供其他娛樂設施，好似唱K間、撈金魚、小朋友玩樂設施等！真係由朝玩到晚都完全無問題！ 訂購資訊：www.galaxymacau.com/landing/summer-suite-package-2018/ ＊澳門麗思卡爾頓酒店 ─ 入住尊貴行政套房、享有行政酒廊禮遇、於澳門怡世寶水療享用60分鐘香薰按摩、暢玩天浪淘園及UA「銀河影院」2D戲票2張，只須港幣5,588元起(優惠高達七五折) ＊澳門悦榕庄 ─ 入住悦尊泉悦套房及於尚坊享用自助早餐、免費享受迷你吧的無酒精飲品、澳門悦榕Spa雙人 60分鐘按摩、暢玩天浪淘園及UA「銀河影院」2D戲票2張，只須港幣5,799元起(優惠高達六五折) ＊澳門JW萬豪酒店 ─ 入住行政套房及專享行政酒廊禮遇、於怡世寶水療享用60分鐘香薰按摩、暢玩天浪淘園及UA「銀河影院」2D戲票2張，只須港幣3,588元起(優惠高達七五折) ＊澳門大倉酒店 ─ 入住尊尚套房及享有大倉行政樓層禮遇、悦榕Spa 60分鐘按摩、暢玩天浪淘園及UA「銀河影院」2D戲票2張，只須港幣3,798元起(優惠高達六折) ＊「銀河酒店TM」─ 入住銀河套房及於群芳享用自助早餐、悦榕Spa 60分鐘按摩、暢玩天浪淘園及UA「銀河影院」2D戲票2張，只須港幣3,398元起(優惠高達六折) ＊「百老匯酒店」─ 入住百老匯套房及於百味館早餐、悠然自足90分鐘足底按摩、暢玩天浪淘園及UA「銀河影院」2D戲票2張，只須2,298元起(優惠高達七五折) 文字來源／圖片來源：香港人.遊香港...
