疫情持續,大家有排都未去到旅行,見到想去既地方可以收藏好口袋名單,出年再去過!台灣連續多日冇新增確診數字,令大家心情舒暢起來。台南呢片免費秘境就賞花向日葵花海開放比大家參觀,4公頃黃色向日葵花隨風搖曳,又壯觀又靚!向日葵期約持續至5月份,係台灣居住既朋友可以去睇下,而飛唔到台灣既朋友就唯有等待疫情過後再去啦! ▲向日葵花田位於新營區西南角姑爺里,上年度開始將新生國小旁農地規劃成廣達7公頃花田 ▲其中4公頃係超美既向日葵花海,而餘下農田波會種植斯菊、蜀葵花,相信一定好壯觀! ▲姑爺里之所以叫姑爺里,相傳係鄭成功妹妹鄭婉下嫁於此地而得名,係新生國小前共7公頃農地,農民利用休耕地第一批種植向日葵已經滿開! ▲超壯觀向日葵花海令人感到好有正能量! ▲向日葵花期有1個半月,唔知5月底前疫情完未呢? ▲如果你身在台灣打算前往參觀的話,假日賞花都要注意保持社交距離! 文字來源:香港人遊香港 / 圖片來源:@davichijing79、@osc.tw、@juying_fang、@banashen...
今年有唔少台灣飲品過江龍,呢間品牌嚟自台南,主打彩色珍珠同埋各國經典花茶,基底茶主要為高山青茶同日月紅茶,再配上你中意嘅花茶,例如玫瑰花茶、洋甘菊花茶、洛神花茶等,唔同嘅花茶都自帶天然色彩,沖出嚟成杯花茶色彩亮麗,非常吸引。佢哋嘅珍珠色彩繽紛,採用蝶豆花、洛神花等花朵嘅天然色素嚟製作。靚靚珍珠配埋色彩奪目嘅花茶,打卡一流啊! ▲店舖嘅手工彩色珍珠,全天然色素製作,健康美味。有彩色、白玉、藍蝴蝶、火龍果、蜜糖抹茶等口味. ▲台灣經典茶加上各國花草茶,令愛茶嘅人士有更多選擇、亦更容易享受到適合自己嘅茶! ▲尖沙咀店暫時最受歡迎嘅有呢款由個名到賣相都好夢幻嘅小王子星球 ▲十一茶屋首間海外分店位於尖沙咀LCX,唔少材料都係嚟自台灣 十一茶屋 地址︰尖沙咀海港城海運大廈3樓LCX 20B號舖時間︰10:00 – 22:00 文字來源:香港人.遊香港/圖片來源:香港人遊香港...