台南景點:【4公頃黃色向日葵花海!台南全新秘境開放!】- 姑爺里

疫情持續,大家有排都未去到旅行,見到想去既地方可以收藏好口袋名單,出年再去過!台灣連續多日冇新增確診數字,令大家心情舒暢起來。台南呢片免費秘境就賞花向日葵花海開放比大家參觀,4公頃黃色向日葵花隨風搖曳,又壯觀又靚!向日葵期約持續至5月份,係台灣居住既朋友可以去睇下,而飛唔到台灣既朋友就唯有等待疫情過後再去啦!

▲向日葵花田位於新營區西南角姑爺里,上年度開始將新生國小旁農地規劃成廣達7公頃花田

▲其中4公頃係超美既向日葵花海,而餘下農田波會種植斯菊、蜀葵花,相信一定好壯觀!

▲姑爺里之所以叫姑爺里,相傳係鄭成功妹妹鄭婉下嫁於此地而得名,係新生國小前共7公頃農地,農民利用休耕地第一批種植向日葵已經滿開!

▲超壯觀向日葵花海令人感到好有正能量!

▲向日葵花期有1個半月,唔知5月底前疫情完未呢?

▲如果你身在台灣打算前往參觀的話,假日賞花都要注意保持社交距離!

姑爺里向日葵花海

地址:台南新營區姑爺里新生國小前
交通:新營火車站前搭乘公車棕3線抵達姑爺-新生國小

文字來源:香港人遊香港 / 圖片來源:@davichijing79、@osc.tw、@juying_fang、@banashen