遊台南美食:【台南隱密小巷涼麵店柴犬迷必到,多款柴犬造型美食】-河馬家涼麵與滴滴壺咖啡

河馬家位於台南火車站新光三越旁邊既一條小巷入面,個位置都幾難搵嫁,大約行8分鐘就到,不過跟住google map黎行就唔會miss左間鋪,間鋪門口有停車位可以比客人泊車店。店內餐牌唔算好多野食,主食係以涼麵、吐司為主,飲料部分有泰式奶茶以及越南滴壺咖啡等。客人可以自選涼麵配料同醬汁,配料選擇有泡菜、雞胸、牛肉、豚肉。其實呢間店係台南一間好出名既早午餐小店「性格せいかく」 既姊妹店,如果你本身有食過性格既涼麵,呢間一定岩你胃口。呢間仲有另一個賣點,就係鐘意柴犬既你地一定會鐘意呢間店! 店內牆上痂左好多張柴犬可愛既照片,門口仲會有隻柴犬店長同客人打招呼添!同埋係下午14:00開始會提供柴社長下午茶,有柴犬吐司及柴犬立體拉花飲品。

▲雞胸柚子芥末涼麵(新台幣$85):麵條食落去唔太硬同太軟,煮到岩岩好好,就算雞肉咁大舊食落去都唔會太乾。醬汁係柚子芥末味,柚子味配涼麵食落去好清新。

▲柴犬吐司(新台幣$65):呢個吐司圖案好得意,仲會有其他柴犬圖案可以揀,真係唔捨得食呀!吐司入面係花生味!

▲立體柴犬拉花(新台幣$120): 立體圖案好似隻柴犬係度沖涼咁,飲品係朱古力或泰式奶茶。最得意既係柴犬立體公仔連個屁屁都畫埋。

▲招牌起司烤牛乳:  牛奶味好香,多士整到好香脆!

▲店鋪門口會有一隻柴犬店長迎接客人,佢亦會有自己專屬既小區域。

河馬家涼麵與滴滴壺咖啡

地址:台南市中西區北門路一段123巷28號
營業時間: 星期一至三、四11:00-15:00/星期六至日11:00-17:00
電話:06 2227190

文字來源:香港人.遊香港/圖片來源:@eijinglee、@mickeylin_45、@iamjett.88888、@a0973735326