呢間開左冇耐既北角小食店，好快成日附近街坊新寵！最受歡迎又有創意既「開心果格仔餅」完全落足料，即叫即做香噴噴，見到佢既開心果醬多到爆晒出黎，仲落左勁多開心果碎粒，保證每一啖都食到濃濃既開心果味！仲有雞仔蛋都同樣充滿蛋香，其中抹茶雞仔蛋大受歡迎，因為用左超濃既抹茶漿去做，啖啖都有抹茶味，雞蛋仔仲非常脆口添！小食仲有街頭小食例如咖哩魚蛋豬皮蘿蔔、四寶丸等等，一樣係熱辣辣又滋味，而且價錢得宜，配埋杯營養豆漿都只係$25，簡直係良心小店，難怪佢迅速成日IG打卡網紅店！
▲創意既「開心果格仔餅」之所有大受歡迎，除左佢加左好濃既開心果醬外，仲加左粒粒開心果，令格仔餅更有口感！
▲開心果格仔餅既餡非常澎湃！滿足晒吃貨們既慾望！
▲睇見個抹茶漿咁濃咁厚，就知道整出黎既抹茶雞蛋仔有幾多濃抹茶味啦，冇花冇假架！
▲小店都有經典口味朱古力雞仔蛋，全部即叫即整熱辣辣，紙袋仲有透氣孔，咁就唔怕Ｄ熱氣整到個餅底淋晒啦！
▲每粒雞蛋仔都真材實料唔會食空氣，仲有少少飽肚感添！
▲小食都有好多街頭小食，有大大碗既咖哩魚蛋豬皮蘿蔔！
▲配埋杯營養豆漿都只係HKD$25，經濟實惠！
北角四眼妹美食屋
地址：北角電氣道308號聯和大廈地下C1號舖
營業時間：10:00-22:00
電話：9638 9646
文字來源：香港人遊香港／圖片來源：@alleat_or_nothing、@mjqueen7e、@foureyedsisteryummyhouse