買蛋糕送畀人嘅話，好多人都唔想就咁送一啲已經整定嘅蛋糕，而係想送啲夠特別、又唔容易喺大型連鎖店見到嘅款式。因此，而家有好多IG蛋糕店專幫人訂製蛋糕。呢間Miff.i Bakery就有兩款好特別嘅蛋糕，分別係麻雀蛋糕同埋星球蛋糕，前者啱哂鍾意打麻雀嘅香港人，後者就每一件完成品都係獨一無二，無論係星球嘅顏色同紋理都會同其他同款蛋糕有所不同。
▲星球蛋糕(5吋：$438；6吋：$588)，有幾種口味選擇，分別係朱古力味、抹茶味、阿華田味、Oreo味、榛子醬、蜂蜜味同奶茶味，顏色方面就可以自選1色主色加2色配色，非常獨特。
▲麻雀蛋糕(6吋：$388；7吋：$498)，分別有原味、抹茶味、朱古力味同伯爵味，夾心可以揀Oreo、阿華田餅、蜂蜜同水果。
▲雲石紋芝士凍餅(5吋：$208；6吋：$308；7吋：$408)，可以揀朱古力味同抹茶味，紋理非常優美。
▲朱古力糖果戚風蛋糕(5吋：$248；6吋：$358；7吋：$468)，可以自由加一塊自己鍾意嘅朱古力牌。
▲除咗定製蛋糕之外，呢間IG店仲有開蛋糕製作班嫁！
▲彩虹乾花戚風(5吋：$318；6吋：$468；7吋：$628)，有原味、朱古力味同伯爵茶味可以揀，夾心就可以揀Oreo、阿華田餅同隨機水果，另外乾花蛋糕仲可以訂造雙層款式。
Miff.i Bakery
文字來源：香港人遊香港/ 圖片來源：@miff.i