fbpx
香港人遊香港

旺角素食:【旺角創意素食!主打中日西式料理!】- 膳德福素食

旺角創意中日西式素食!必試素壽司!

呢間素食店無好靚既門面裝修,望落去係同一間茶餐廳一樣,但當你留意下餐牌之後,就會發現呢間素食店諗既菜式都好有心機,絕對係創意之作!入面座位唔係好多,坐落去不算好舒服,不過員工服務態度幾好,加上菜式賣相精美特別又好食,黎到會好容易對素食改觀,發覺原來素食都可以咁好食!呢間鋪地方好細,如果不介意同人搭枱就冇咩問題。午飯,晚飯既時候都很多人排隊,唔想排既不妨試下預先訂位。

▲六人壽司拼盤:最特別既係果味素魚籽壽司同三文魚壽司。三文魚係用蒟蒻,食既時候加Wasabi同豉油一齊食,會覺得同真嘅三文魚冇分別!

▲芝麻手撕雞($38): 素雞食落去煙煙韌韌加埋幼幼嘅青瓜絲好清爽。榨菜、雞絲同青瓜加埋一齊食個味超夾,好似食緊真雞肉咁!

▲日式燒汁鰻魚飯($54):仿鰻魚係由麵筋整成,食落去有種食緊魚肉既感覺,好特別!

▲香酥炸雲吞($36/6隻):炸雲吞個皮超脆,層皮係比較硬身,食落去個味道同平時既炸雲吞無乜分別。雲吞入面得蔬菜,沒有肉的。

▲軟殼蟹卷($36/4件):素軟殼蟹係用炸既菜黎代替,食落去好似仲好味過真軟殼蟹咁。

▲鏝魚牛油果卷($35): 入面鏝魚都係素鏝魚黎,同牛油果一齊食都好夾。

膳德福素食

地址:旺角花園街120號地舖
營業時間:星期一至日 11:30 – 22:30
電話:23923882

文字來源:香港人.遊香港/圖片來源:@yyk2017、@doroshii、@babystepsvegan_hk、@vegetarian.hk

Tagged with:     ,

Follow us

合作查詢

歡迎與我們聯絡, 查詢合作