香港既日式拉麵店越開越多，但呢間位於中環既拉麵店，帶黎全新系列創作拉麵同小食，就算每日限量20碗依然大受歡迎！有別於一般既清湯、豚骨湯、醬油湯底，由日本拉麵大師林隆臣創作既得獎拉麵「鯖魚湯香菇野菜海蝦拉麵」，湯底用左日本鯖魚配以大量昆布、虎蝦、大葱、黃芽白、金菇、冬菇等等熬製，非常鮮甜有層次！「關東煮」亦同樣以鰹魚湯烹製而成，配搭雞蛋、竹輪、魚餅、蒟蒻及炸豆腐等，精緻鮮甜，同外面食到既普通關東煮完全唔同！其他小食例如「名古屋風雞翼」用左名古屋芝麻檸檬醬汁調味，特別惹味，仲有日本大根煮、鰹魚凍湯浸菠菜等等，鐘意試新野既朋友一定要去試下！
▲「立体派」總廚林隆臣曾於日本多個全國性拉麵比賽中獲勝，可以話係「拉麵達人．創作既拉麵都大受歡迎
▲餐廳內部用左木材元素同日本陶器，氣氛輕鬆兼清新自然，非常舒適
▲「鯖魚湯香菇野菜海蝦拉麵」就好似海洋咁匯聚左豐盛既海岸物資，以日本鯖魚同昆布熬製成清湯底，加入虎蝦、紅椒絲、大葱、黃芽白、金針菇及冬菇等提味，每日5:30後限量20碗咋（港幣98元）
▲「特級白湯」（港幣118元）有三大塊慢煮既叉燒加半隻流心蛋，叉燒入口即溶，絕對頂級
▲「名古屋風雞翼」（港幣38元／兩隻），以名古屋特色芝麻檸檬醬汁調製而成，滋味十足
▲另一款經典「唐揚炸雞」（港幣38元）就脆炸香口，最岩配啤酒！
▲「關東煮」（港幣68元）都絕不馬虎，以鰹魚湯為湯底，配搭雞蛋、大根及竹輪、魚餅、蒟蒻及炸豆腐等，鮮甜入味
▲「日本大根煮」（港幣38元）以鰹魚湯炮製而成，鮮味十足
立体派
地址：中環威靈頓街27-29號元益大廈地庫
營業時間：11:00am – 11:00pm （星期日至四）/ 11:00am-12:00am（星期五及六）
電話：23990811
文字來源：香港人.遊香港／圖片來源：立体派