呢間米線店招牌菜當然係豬扒酸辣米線，碗內有一大塊炸豬扒、辣度當然可以選，食得辣可以叫中辣。酸酸辣辣既湯米線，食得耐有麻辣後勁。個豬扒醃得非常入味，食落肉質鬆軟多汁，令味道口感都顯得非常豐富，如果你怕炸豬扒太油，小編亦推薦呢度既豬腩仔。
▲阿一真味豬扒酸辣米線($37)，豬扒尚算肥美，醃得可口入味，不過湯底比其他店辣
▲在雲南米綫、上海麵、水晶粉之中三選一，而餸菜可選韭菜餃、豬蹄、手撕雞及招牌炸豬扒。
▲酸菜、蔥及花生鋪在米線上面，酸菜係碗米線角色尤其重要，冇左佢既酸味中和味道，米線湯底就好辣好辣！
▲炸韭菜餃($32)油炸過的餃子味道顯得特別香濃，韭菜味道完全吊起！韭菜餃炸得外皮酥脆不油膩，內餡香而鮮嫩。
阿一豬扒酸辣米綫
地址：筲箕灣筲箕灣東大街30號地下
電話：28841080
文字來源：香港人.遊香港／圖片來源： appletea_kikobobo, amethyst__po, spencerdouglass, camillewong