小編認識呢間cafe係之前佢地灣仔利東街既雪糕店，後來結業後，要食到咁高質既玫瑰花雪糕雞蛋仔就要去中環呢間cafe喇！以新鮮出爐既雞蛋仔代替窩夫脆筒，小編認為更合襯！呢度既雞蛋仔係即叫即做，做到外層微脆，內裡濕潤鬆軟，可以配唔同口味既雪糕！當中店長推介既玫瑰花口味雪糕，入口幽香帶微甜既花香，超好味！呢度同之前果間雪糕店唔同，提供埋輕食好似有同樣以玫瑰花造型示人既Avocado Toast，無論食物飲料都相機打卡食先。
▲ 雪糕雞蛋仔($80) 係即叫即做，雞蛋仔唔會淋到好似毛巾咁，外層微微烘脆，內裡濕潤有質感，雪糕係呢度signiture 玫瑰花形狀，係一瓣一瓣由人手砌成，小編當日就揀左玫瑰花口味，首先個夢幻粉紅加上灑上既玫瑰花同糖霜，視覺效果100分呀！
▲Givrés嘅Gelatoof係由意大利生產商喺香港新鮮製作，有多款口味，少女心緊係鐘情玫瑰味啦！
▲ Brownie & Rose（$85）Brownie 朱古力蛋糕加上玫瑰花雪糕
▲ Avocado Toast（$110）牛油果熟度剛剛好，切成薄片切成玫瑰花形狀。
▲ 玫瑰花Cold Brew咖啡($60) 店員製作呢個咖啡時簡直係落足心機！將玫瑰花浸係自家製糖漿3日，飲落似飲緊幽香花茶加咖啡，一d都唔酸，反而回甘玫瑰口味非常強烈。
▲ 薰衣草Latte($50) 呢個Latte奶感適中，而且薰衣草香氣都恰到好處！
▲ Cafe 另一面有藝術圖案，好多人都會黎呢個打卡牆影相。
Barista by Givrés
地址：中環士丹頓街7號地舖
電話：96590816
營業時間：08:00 – 18:00
文字來源：香港人.遊香港 / 圖片來源：@foodandtravelhk、＠foodiary_hkg、＠givreshk