芝士溶化你心!
成日食薯仔做嘅薯條，有冇想過魚都可以做薯條？位於銅鑼灣一帶，有一間優閒舒適的Café，售賣芝士流心炸魚薯條，大大條架！薄薄的外皮炸到金黃色，魚質好滑，做到外脆內軟。一切開芝士流出來，味道鹹鹹地，連埋魚柳一齊食，成條炸魚蓋滿香濃的芝士味。
▲特製流心芝士炸魚薯條（$98），炸魚薯條入面有香濃的芝士，魚柳炸得香脆細滑，芝士與魚柳混合，唔洗點茄汁醬都入味。
▲自問大胃王嘅你，單係食炸魚薯條點夠飽呢！這間Café有供應漢堡包。爽瓜瓜熔岩手打牛肉芝士漢堡（$85），係店主推介之一。配有特製的花生醬，估唔到牛肉配花生醬咁夾，牛肉漢堡的肉質鮮嫩多汁，包你個胃感到大滿足。
▲一刀切開魚柳後，芝士即刻流出來，望到這一幕有治癒的感覺。芝士控的你會好開心。
▲金巴利特飲（$48），食咗香濃細膩的芝士炸魚薯條後，叫一杯雜莓梳打飲，酸酸甜甜，而且冰涼快感，好適合化解剛剛吸收的油脂，這杯梳打的味道冇藥水味架，放心飲用。
GoodDay Café
地址：銅鑼灣希雲街12號地舖
電話：6310 9268
文字來源：香港人.遊香港／圖片來源doudourabbit, fe_milky, foodie.buddy.diary， gooddaycafehk