啖啖龍蝦！
呢間位於旺角山東街既兩層café，裝修陳設以日同夜做主題，之前試過芝士龍蝦三文治，今次小編返樸歸真地食返呢個啖啖龍蝦肉排包，
廚師先將排麵烘至微燶，包裡搽上牛油，加上甘甜菠菜，以及新鮮拆好既龍蝦肉，咬落肉質爽口鮮味，連埋包一齊食，感覺好豪氣！
▲龍蝦包($188) 店員建議配埋一旁的檸檬牛油汁食更好味，彈牙龍蝦肉配上鬆軟既麵包不過小編就覺得就咁食口味比較清淡自然，重點係無需拆肉就食到啖啖肉龍蝦，簡直係懶人專用！
▲龍蝦包($188)龍蝦包 配有雙色薯條及雜菜沙律。
▲ 雙重炸薯條 ($68) 配上三款口味醬：龍蝦芝士醬、黑松露芝士醬和蜜糖芥末醬。呢度係用帶皮薯仔切成條再炸，呈橙黃色而甘甜蕃薯條口感香脆而且香甜。
▲Unicorn Dream($58) 呢個粉嫩夢獨角獸簡直係夢幻打卡之選，利用波子汽水及提子香料打製而成，粉紅、粉藍色顏色層次分明，加上充滿少女感既棉花糖，外型獨特。
▲龍蝦玉子燒($88) 玉子燒雖然用上簡單食材，但一d都唔hea，以日本蛋製成香甜玉子，店員仲叮囑我地要盡快食，切開玉子燒呈現蛋汁濕濕潤潤既感覺，加上面層既龍蝦膏同中間夾層既龍蝦肉，令原先甜甜既玉子燒味道更上一層樓！
▲吉列牛排配忌廉咖哩撈烏冬 ($128)，過去幾個月，掀起一股吉列牛熱潮，其實吉列牛排係配角
▲吉列牛排配忌廉咖哩撈烏冬 ($128) 咖哩香濃忌廉烏冬。烏冬掛上滑滑溜白色忌廉及香濃咖哩兩款截然不同既口感，卻出奇地搭調！
Day and Nite by Master Kama
地址：旺角山東街50號1-2樓
電話：3106 0900
文字來源：香港人.遊香港／圖片來源：香港人遊香港
—————————————————————
相關文章：
【日本最難book餐廳之一！香港開分店】
【沙哇滴卡～正宗泰式風味】