藍白色環境好舒服😍！
Casa Lisboa主打新派葡菜，數款菜式有別於傳統，一系列菜式用上大量來自葡萄牙的食材、嶄新的烹調技術製作而成、賣相摩登別緻，客人入座後，餐廳會為每枱食客送上以下6款Casa Lisboa的葡萄牙前菜，6道前菜當中會有餐廳的招牌菜式，例如炸馬介休球同白酒蒜蓉香草炒蜆，仲有大廚為今次週末Brunch獨家製作嘅限定菜。在主菜方面，每位食客就會有6選1的主菜選擇，當中的Casa Lisboa Francesinha葡萄牙三文治和葡萄牙魚汁煮鱈魚更屬不能錯過。Casa Lisboa Francesinha以燒牛肉、香腸、芝士等製作，味道鹹鮮濃香，只此一家。
▲6道前菜菜式包括：紅菜頭沙律配羊奶芝士及牛油果醬、葡萄牙凍湯、葡萄牙啡蟹蛋黃醬凍食、白酒蒜蓉香草炒蜆、炸馬介休球同蒜蓉欖油葡萄牙八爪魚。小編特別推薦葡國菜表表者炸馬介休球，以風乾鹽醃鱈魚混合薯仔製作呢個香口小食，馬介休鹹香，加上清新芫茜，再配上自家製蒜蓉蛋黃醬，味道極匹配！
▲而6選1之主菜有Casa Lisboa葡萄牙三文治、薯仔馬介休絲、葡式焗鴨飯、葡萄牙魚汁煮鱈魚、葡萄牙海鮮飯、葡式烤乳豬。
▲Casa Lisboa葡萄牙三文治係呢間餐廳signature，估唔到呢度有得食來自葡萄牙北部城市Porto傳統三文治菜式！大廚用牛柳代替普通牛肉，慢煮豬腩肉代替煙肉並加入葡萄牙肉腸，將整個菜式提升。而醬汁就依照傳統做法，用蔬菜、肉、火腿、海鮮湯、砵酒、啤酒同威士忌烹調而成，以鐵板上菜。
▲另一款推薦主菜係呢個葡萄牙魚汁煮鱈魚，其魚汁 Caldeirada 用左新鮮海魚、番茄、紅椒和洋蔥等材料一齊熬煮。先將鱈魚放入魚汁中烹調，然後再加入海蝦同大蜆。用魚汁煮過鱈魚非常濃郁，而且其肉質嫩滑！
▲甜品4選1：葡萄牙餅乾蛋糕、葡式砵酒煮梨、木糠布甸同菠蘿薄片配開心果海綿蛋糕。呢個菠蘿海綿蛋糕啟發來自位小島Azores Island名菜菠蘿薄片配海綿蛋糕(Pineapple Carpaccio with Sponge Cake)。廚師小心將菠蘿肉取出，切片後用糖煮一煮，並醃味約半小時。菠蘿片會變得非常嫩滑。Casa Lisboa 用開心果自家製海綿蛋糕，沾上少量波特酒後面層放上雪糕，再用菠蘿片蓋上。
▲葡萄牙餅乾蛋糕，亦係甜品中最受歡迎，配上一球的雲妮拿雪糕。
▲Casa Lisboa以現時在葡萄牙新興而且具革命性的新派葡菜為賣點，有別於一般的葡國料理，唔駛過大海都有好味葡菜食！
Casa Lisboa 「8道正宗葡菜Brunch」
供應日期：由即日起逢週六、日及公眾假期
時間：12:00 – 15:00
地址: 中環雲咸街63號巴力大廈2樓
訂座電話: 2905 1168
價錢: 成人 $350 (另收加一服務費)
圖片／文字來源：香港人.遊香港