天后美食2023｜天后臨記世一格仔餅
雞蛋仔關注組表示食過最厚嘅格仔餅係位於天后嘅呢間臨記，除左厚，味道都非常ok，睇下佢啲奶醬流曬出嚟就知勁咁邪惡！而且格仔仲做到外脆內軟嘅口感，入面仲食到濃濃蛋香味。嚟到臨記一定要試吓招牌「格仔餅四重奏」，可以自選4款口味，分別有朱古力、抹茶、伯爵茶、咖啡味等，貪心的朋友們可以一次過滿足曬不同口味，當中咖啡味非常推薦，咬入口完全食到咖啡豆香味，一啲都唔膩。不過假日就比較多人排隊，想試就要比啲耐性啦！
▲去天后一定要食呢間有「超厚底既格仔餅」之稱小店，檔面雖然其貌不揚，但格仔餅嘅味道令美食關注組大推！其中招牌「格仔餅四重奏」可以自選4款口味，分別有朱古力、抹茶、伯爵茶、咖啡味等。
▲推薦咖啡味濃郁，抹茶和伯爵茶較淡身，但勝在蛋香味十足。
▲極邪惡的煉奶同花生醬，流到出曬嚟！
▲外脆內軟，入面口感濕潤鬆軟，類似輕微蛋糕咬口。
臨記 (天后)
地址：天后帆船街2-8號金殿大廈地下16號舖
營業時間：星期一至五08:00 – 20:00；星期六至日10:00 – 20:00
圖片來源： @pigkeymouse 、@better_food.better_life 文字：香港人遊香港