葵芳美食2023｜葵廣即叫即炸爆餡冬甩！全手工製作 必試榛子朱古力+伯爵茶味

葵廣向來都好多高質小食店，而呢間開業唔夠半年嘅人氣小店，就係靠自家製爆餡冬甩打出名堂！冬甩有6款長青款口味，包括Nutella、吉士、咖啡、伯爵茶、士多啤梨及檸檬芝士，而且會不定期推出限定口味，例如最近有榴槤味！當中餡料除咗Nutella味外，其他都係小店自家研配，伯爵茶味甜中帶清雅茶香。最邪惡嘅味又點少得Nutella味，濃郁榛子味作為甜品餡實在冇得輸。小店所製嘅冬甩由發酵、切割、定形到落油鑊炸，都係全人手製作，冬甩更係即叫即炸，保證送到食客手上時仲係熱辣辣，做到爆餡流心效果！

▲小店的冬甩有6種基本口味，除了Nutella味之外，其他餡都是由店家自家研配，做到外熱內冷口感。

▲不定期會有限定口味，最近夏季榴槤當造，就有馬來西亞D24榴槤冬甩。

▲最邪惡嘅味又點少得Nutella味，濃郁榛子味作為甜品餡實在冇得輸，加上誇張的爆漿效果，味道同打卡程度都是一流！

▲由發酵、切割、定形到落油鑊炸，都係全人手製作，冬甩更係即叫即炸，保證送到食客手上時仲係熱辣辣，做到爆餡流心效果！

So Doughlicious

地址：葵芳葵涌廣場3樓TOP世界3069-T29號舖
營業時間：12:00-22:00

文字來源：香港人遊香港/圖片來源：@so_doughlicioushk