憑長者卡食$9雞米粉！
位於鴨寮街一旁，新開左一間米粉小店，鋪位屬於長形，都坐到幾多食客，平日的晚上人潮唔多，小編一於同朋友試下！原來呢度唔係食米粉亦唔係米線！似銀針粉一般既「米苔目」，經過一番改良之後，可配搭唔同湯底同配料，價錢亦係好公道。我地分別叫左麻辣湯底、蕃茄湯底同喇沙湯底試下，發現蕃茄湯底同「米苔目」最夾！米苔目軟糯煙韌口感食落好踏實，係飽肚之選！順帶一提，老闆好有愛心推出$9雞米粉比老友記，如果有長者朋友附近住，可以推薦佢地試下！
▲湯米台目($35+2餸) 唔睇佢介紹真係唔知米台目係咩，原來係台灣美食，手打麵！佢既外型有啲似狗仔粉，但米台目好食十幾廿倍！口感煙煙韌韌甘，爽得黎有啲咬口，唔係好粗，但又唔會好似米線甘幼同易斷。
▲蕃茄湯底，好香蕃茄味，唔咸，食完無好想飲水，應該無味精！
▲涼拌皮蛋（少辣，味道剛好，皮蛋亦見有冰花狀）（$16）
▲一板手寫廣告“長者咭-九蚊雞米粉”的廣告十分當眼，小店相當有心！
軟橋米苔目
地址：深水埗鴨寮街249號地下B舖
電話：2795 2798
營業時間：星期一至日: 11:00-22:00
文字來源：香港人.遊香港／圖片來源：香港人.遊香港