將軍澳又新開一間全新海景Cafe，佔地3,000呎！店內裝潢主打復古工業風，檯凳主打軍綠色和銅鐵設計，好有復古風味！食物方面主打輕食及精品咖啡，近期新菜式以素食為主，包括炒野菌菠菜配賓尼迪蛋、牛油果配無花果多士、燒大啡菇粟米杏仁沙律和香煎玉米糕配自家製辣番茄醬，肉食方面有煙三文魚賓尼迪配酸酵多士和香煎三文魚扒配野菌汁等等，最後，店舖更設有窗邊位可以睇到靚靚海景，邊睇住海景邊chill下！
▲炒野菌菠菜配賓尼迪蛋，份量非常足料，賣相精緻，流心蛋一切就泉湧般湧出！
▲牛油果配無花果多士，香濃嘅牛油果泥配上無花果感覺非常清新又特別~值得一試。
▲燒大啡菇粟米杏仁沙律和鮮黑松露壽司卷，新一年大家都嘢食得清新啲和健康啲~
▲唔係只得素食嘅， 香煎三文魚扒配野菌汁都係一個唔錯嘅選擇！
▲煙三文魚賓尼迪蛋配酸酵多士，鍾意食多士嘅朋友唔好錯過！口感鬆軟嘅多士配上三文魚配上賓尼迪蛋漿，味道非常出色！
▲店舖有多達十幾款咖啡可供選擇！包括Espresso、手沖咖啡、掛耳咖啡等等。
Urban Coffee Roaster
地址：將軍澳唐賢街29號藍塘傲地下12號舖
文字來源：香港人遊香港/圖片來源：@urbancoffeeroaster