英國品牌位於銅鑼灣開設的Café，著名的星球標誌為人熟悉！裝修以古典華麗風格為主！近期素食文化大熱，café今次推出全新素食菜單，包括素食All day breakfast、素肉醬意粉及素英式下午茶，小編就推介大家試下素食低卡食材，植物熱狗腸、新豬肉和未來牛肉，各位素食者及健康人士，係咪睇見都想食呢？
▲素食All day breakfast，包括有「Moving Mountains 巴雷特香腸」口感與真實香腸肉無異，非常之有咬口！仲配埋薯餅、半隻番茄和兩片多士！
▲素·肉醬意粉，用上純素嘅 「OMN!PORK 新豬肉」代替豬肉碎， 意粉酸酸甜甜非常開胃，質地屬於Aldento口感~側邊的肉碎口感真實，除咗可以俾一般人體驗素肉感覺，仲可以讓素食者體驗食肉的質感！
▲素·英式下午茶，今次呢個三層架素食下午茶絕對零負擔，各位素食者或非素食者都可以嚟試下喔！
▲今次呢個三層架下午茶建議就由底部開始食起，首先食用蘆筍酥皮撻（圖左）及磨菇酥皮撻，內裡配以香濃的忌廉汁，外皮香脆可口！
▲呢款上手工番薯脆片都非常出色，薄脆滋味令人一試上癮！（因應季節轉變會以紫薯或番薯替換）
▲小編最推介當中嘅 「Beyond Beef未來牛肉」漢堡，以碗豆蛋白組成，鐵含量比真正的牛肉高！口感和外觀上都與牛肉非常相似，更配上Vegan cheese令整體肉感非常強！
▲中層更有紫薯撻和蔬菜煎餅，味道好好食！
▲頂層的時令水果撻亦非常出色，有無花果、士多啤梨、藍莓和桃，較驚喜的是撻餡部份， 不同撻的內陷不一！ 最後以兩杯柚子藜麥沙律杯做總結，非常濃郁的柚子味，口感非常清新！
▲現場更售賣各款首飾、銀包、頸巾。
▲現場更設有呢副華麗的背景墻打卡位，猶如置身歐式建築內用餐般的感覺！
►備註：
主菜供應時間：11am-2pm
英式下午茶供應時間：2pm-6pm（且必須提前24小時預訂）
Vivienne Westwood Café
地址：銅鑼灣百德新街27-47號Fashion Walk1樓F
電話：2799 5011
營業時間：11:00-20:00
文字來源：香港人遊香港