尖沙咀的五星級酒店近日推出全新精緻下午茶，傳統英式下午茶各位就試得多！呢個下午茶以中式點心為主題，再配上專業評茶師推介嘅多款精選名茶，能與點心相配起的茶點可說是錦上添花之物！名茶配上多款精緻鹹甜點心，當中包括魚子醬蝦餃、西班牙黑毛豬叉燒酥、鮑魚燒賣、燕窩蛋撻和宮廷名物驢打滾 。嘆完個High tea，記得去埋酒店各個打卡位影靚相喇！
▲身價千萬大象雕塑，大象身體的紋路由多條蝌蚪形狀組成，是印度著名藝術家創作，總之大家嚟瑰麗酒店時候記得欣賞下呢個打卡位喇~
▲魚子醬蝦餃，透白的蝦餃皮配上頂級卡露伽魚子醬，包裹著原著鮮蝦，味道簡單清爽鮮甜。
▲西班牙黑毛豬叉燒酥，千層酥皮配上半肥瘦的黑毛豬叉燒，口感豐富之餘亦不失傳統叉燒酥獨有的鹹香風味。
▲鮑魚燒賣，用上經典原隻南非鮑魚，口感煙韌！
▲蝦多士，金黃色嘅外表外脆內軟，入面仲啖啖鮮蝦肉，一口一個啱啱好~
▲燕窩蛋撻，女士最愛，燕窩之上仲有些小金箔點綴，燕窩與香滑的蛋漿完美增加蛋撻細膩的口感。
▲宮廷名物驢打滾，紅豆餡甜而不膩，帶點嚼勁讓人停不下口，外表仲非常精緻製作成傳統雲紋裝飾~
▲楊枝甘露，香濃的芒果帶著清香，為這個港式下午茶畫上完美句號。
▲新鮮的洞庭碧螺春(綠茶)及龍珠香片(茉莉花茶)擺起大堂可供大家影相，或者可以睇住大師親自為你沏茶。
▲套裝茶具(茶挾、茶杯、茶匙等等)，可供大家欣賞專業沏茶的工具！
▲名茶就有以下四款！小編就推介雲南安吉白茶（左二）、椰子伏特加牡丹 （左一），白茶極為珍貴，採摘整個過程都是深夜時分，一點陽光都不能接觸！所以裡面含有豐富的氨基酸，口味清香、回甘。椰子伏特加牡丹呢個名聽落好似會醉酒咁，其實酒精經過燻製後，酒精已全數揮發，唔洗擔心酒精問題！呢道茶味道非常特別，有陣陣椰子清香，令到整體茶味口感順滑。
Holt’s Café
地址：尖沙咀梳士巴利道18號Victoria Dockside 香港瑰麗酒店2樓
電話：3891 8732
營業時間：星期一至日早上6時半至9時
供應時間：下午2時30分至下午5時30分
文字來源：香港人遊香港