估唔到喺香港都食到傳統有特色嘅西班牙菜！呢間開喺大角咀嘅西班牙餐廳，主打多款西班牙傳統菜肴，包括傳統陳醋燴豬仔髀、奄列 Tortilla同吉拿棒。其中傳統陳醋燴豬仔髀非常受歡迎，豬仔髀非常juicy唔會好乾身，用上傳統陳醋燴，陳醋汁完全滲透入豬仔髀，酸酸甜甜好入味。如果去過西班牙，相信應該對吉拿棒唔陌生， 吉拿棒係西班牙街頭好常見嘅甜品，外脆內軟嘅吉拿棒配搭甜甜嘅朱古力醬，好啱作為一餐飯嘅終結！
▲ 西班牙傳統陳醋燴豬仔髀 ($138)：嚟到西班牙餐廳一定要叫嘅特色菜，作為招牌菜之一，豬仔脾煮得骨肉分離，配以傳統陳醋，陳醋汁滲透至嫩滑嘅豬仔脾，非常可口！
▲ Cocina 3 公司沙律 ($108)：沙律夠大份，而且好開胃，沙律醋酸酸甜甜，亦加上煙鴨胸作配料。
▲ 正宗西班牙奄列 Tortilla ($88)：形狀好似蛋餅，形狀好得意， 包住薯仔、洋蔥同燈籠椒粒，幾特別！
▲ 西班牙吉拿棒 ($58)：食完飯梗係要食返個甜品！吉拿棒係西班牙好出名嘅熱食甜點，今次配上朱古力醬食用，外脆內軟嘅吉拿棒沾上濃郁嘅朱古力醬，如果你鍾意朱古力，就一定要叫啦！
▲ Cinderella ($68)：呢杯係一杯Mocktail ，飲落好濃烈芒果同熱情果味道，好fresh！
Cocina 3 Tapas Bar & Restaurant
地址：大角咀海泓道1號奧海城三期地下G22號舖
電話：2362 2313
文字來源：香港人遊香港 / 圖片來源 ：@ mylittlegourmand