日本人氣回轉壽司店Sushiro壽司郎聽到大家的呼喚，終於推出萬眾期待的自取外賣啦。由6月3日開始係指定分店，暫時只有佐敦店會推出3款外賣自取盛合選擇，包括有超人氣盛合、壽司郎特製盛合和超值三文魚盛合。各盛合均可選擇一人前($88)和二人前($176)份量，最平只需$88就食到12件壽司。各粉絲們終於唔洗排3-4個鐘等食啦！
▲一人份量的三文魚只需$88就有12件！其他壽司盛合都有8件。
▲只需係佐敦店外賣自取，就可以輕鬆嘆到壽司郎！
▲盛合中都可以食到多款招牌壽司。
▲ 壽司郎自從在香港開設分店之後就一直大受港人歡迎，經常都需要排長龍，一位難求，今次推外賣自取實在是一大喜訊！
佐敦店外賣自取方法：
1. 電話下單 23887887
2. 來店收銀枱下單
3. 來店用餐順便下單
注意事項：
1. 外賣自取供應時間為星期一至日11:00-22:00（停止walk in後仲可以叫外賣）
2. 可以預訂一周內的外賣
3. 指定拎取外賣時為11:15-22:30
4. 外賣不參與印花活動
5. 外賣服務暫時只限佐敦店
6. 由於外賣收到客戶訂單後開始製作之商品關係，製作需時，領取時間請向店員查詢
7. 領取時間有可能因當日外賣預約情況，無法滿足您需求，詳情請向店員查詢
文字來源：香港人遊香港 / 圖片來源：Sushiro