呢間糖水鋪深深甜品人氣非常高企，舖面裝修特色以本土懷舊風味為主，充滿60、70年代老香港風格。佢d糖水甜品選擇都唔少，有選擇困難症既就要有心理準備喇！最多朋友鐘意order 叁元豆花，貪佢咩都有d，一碗豆腐花加埋超多配料，包括有芋圓、地瓜圓、黑糖珍珠、紫薯西米，仲可以自選要多一款指定配料，覺得唔夠既仲可以on top 加料！除左大人氣粒粒芋圓，仲有d糖水可以配包心芋圓，想食煙韌口感可以試埋！
▲仙草紫草園 （$38）冰烤紫薯雪糕系列重點推介！紫薯口味雪糕入面有粒粒紫薯肉，現料芋圓煙煙韌韌、綿蜜紅豆、爽口清甜黑糖水晶，加埋仙草一齊食！
▲叁元豆花（$35）豆花已經有芋圓同地瓜圓做配料，再加入紫薯西米同黑糖珍珠，然後香草雪糕/愛玉/紅豆/芒果揀一樣！
▲ 叁元豆花（$35）芋圓、地瓜圓、黑糖珍珠、紫薯西米露、芒果，為感謝醫護係疫症期間付出，出示醫護証員証就會免費請你食甜品！
▲ 木瓜雪耳燉桃膠 （$30）木瓜、雪耳、桃膠3樣食材都好有養生作用！
▲ 黑糖薑茶配包心芋圓（$29）橙色係地瓜圓包心芋圓、淡紫色係芋頭味，而深紫色係紫薯味！
深深甜品
地址：深水埗桂林街46號恆安樓地下
營業時間：星期一至日15:00 – 01:00
文字來源：香港人遊香港 / 圖片來源：@veggiefoodiehk、@carsonyuen2706、@jennyfood_diary、@eathealthily_hk、@wilson_sing