香港家陣有好多拉麵店選擇，有本土開既又有由日本過江龍到港既拉麵店，而今次介紹既呢間仲要係呢兩年都扲左東京米芝草一星既拉麵名店，亦係首次係香港IFC開店添。主廚兼創辦人山本敦之先生將佢獨家研製既貝汁拉麵湯底配方帶埋黎香港添，製作拉麵既材料更係由日本北海道運到香港再後製! 創辦人對整間拉麵店既食品要求都要好高質，要香港分店同日本拉麵湯底一樣咁高質，除此之外仲引入左日本ACM淨水設備將食水先過濾，希望客人飲用既食水都有高品質。當中拉麵店主打既貝汁湯底更係每日用新鮮既大蜆加秘製配方熬製成，湯底飲落會帶點鮮甜味道。

▲貝汁鹽味拉麵($128):呢款拉麵湯底係混合左蜆湯+魚介+豬骨，飲落去好清甜。由於湯底唔添加味精，所以食完都唔會好口乾。拉麵十分彈牙，係用100%北海道小麥粉製成既拉麵，食拉麵時會食得出每條既麥味，不過麵既份量頗為較小，大食既可能會唔夠。

▲燒豚肉叉燒小碗飯($58): 呢碗飯有兩款肉係入面，有豚肉片同叉燒片各三塊，每片肉都燒過，肉汁同肉既油出晒黎，食落去好惹味。每碗都有半隻唐心蛋，蛋黃好流心，好好食! 而白飯上面既燒汁都足夠。如果食一碗拉麵唔夠飽既話，加埋呢碗飯就岩晒啦!

▲煙熏黑椒豚骨拉麵($115):呢碗拉麵用左黑胡椒醬油製成，仲加入左煙熏豚肉碎同埋脆炸牛篣條，所以呢款拉麵湯底則較為濃味啲!

▲豚骨辛拉麵($115):呢款拉麵加入左自家製既辛辣醬油汁同埋辣豚肉碎，食落去有少少辣，唔係幾岩啲唔食得辣既客人。

▲呢款係招牌米芝蓮推介既拉麵- 貝汁醬油拉麵($128):食落去建議先飲拉麵湯，因為真係好鮮甜! 係用左好多個鐘去熬製而成既秘製蜆湯，仲混合埋豚骨湯同清魚湯添!呢碗麵最特別係有自家製既醬料，係由黑松露醬+牛肝菌粉+牛肝菌油製成的，令到湯底口感更加好飲。

▲店鋪中間位置正正是開放式廚房，客人可以睇到自己碗拉麵既製作過程。

▲招牌拉麵-貝汁湯底有獨特既食法，建議客人用[先欣賞後品嚐]態度食呢碗拉麵。而每張檮上都有4個步驟既教學教客人如何正確地食本店既拉麵。

金色不如帰

地址:中環金融街8號國際金融中心商場3樓3020號舖
營業時間:11:00 – 23:00
電話:63338036

文字來源／圖片來源：香港人.遊香港