呢間咖哩專門店係灣仔打工仔不嬲都係榜上有名，近日老闆娘更勇武地一句「唔做冇良心既人生意」趕絕護旗手譚詠麟，獲得唔少人支持同「懲罰」，日日lunch 都大排長龍，十居其九都係黎食呢度既招牌咖喱炸豬扒飯，選用豬里脊肉，處理過程一d唔簡單，先用陰力拍鬆同拍薄，再裹上秘製脆漿，豬扒雖然巨大，但係師傅火侯控制得宜，炸到恰到好處。再配上微辣辛勁既港式咖哩，真係送飯一流！
▲咖哩豬扒飯($70)：豬扒輕輕沾上一層炸漿及麵包糠，成品色澤金黃誘人。食落啖啖肉口感，多汁肉腍，肉質外酥裡嫩，最香最好食係連骨帶肉既位置，食落香口脂香四溢
▲咖哩豬扒飯($70)：咖喱味道辣中帶微甜，又有印度咖喱風格口味
▲每份咖喱汁中間都有一大塊薯仔，燜煮後加埋甘香既咖喱汁，夠香濃！
▲心水清既食客都會選擇外賣豬扒飯($45)：因為價錢平一大截！不過外賣始終冇堂食咁好食。
▲呢度另一名物乾炒牛河($50)：河粉炒得均勻，每條都掛上醬油汁，配料厚切牛肉份量多。
新景園咖喱小廚
地址：灣仔春園街20號地舖
電話：25749172
文字來源：香港人遊香港 / 圖片來源：@tloveb2sweet、@k.linglingling_、@ctfoodr、@trevor.teo、@sakurafoodie