魚肉同牛肉燒賣都好好食！
紅磡林記永遠都有條長龍，自家製魚肉燒賣真係好足料，聽講係以9:1調較魚肉同麵粉，啖啖肉真係好彈牙，而牛肉燒賣比較少見，牛肉爽口彈牙，鍾意食牛肉可以試下。縱使呢度店員態度麻麻，獨特小店風味，第二度食唔到。
▲自家製牛肉燒賣($9)
▲自家製魚肉燒賣($8)全人手手打製作，魚肉同麵粉打成魚蓉，非常彈牙，而且唔似一般燒賣食到成口粉。
▲腸粉($9/4條)：混醬腸粉係香港小食經典！食客食過讚不絕口，腸粉夠熱夠滑，混醬混得超好味！
▲勁辣魚旦($7)魚蛋口感彈牙，咖哩汁唔會係死辣，辣中帶甘甜，惹味十足，現場有唔少捧場客，放學放工時間，店外聚集左唔少客人企係門口立食，亦有人成袋燒賣、魚蛋、腸粉成袋買走食！
▲不論係放學時間定放工時間，都企左大堆人排隊。
林記小食
地址：紅磡差館里21號
文字來源：香港人.遊香港／圖片來源：dob.raymond,waikick,sosogooddd,tocoffee haawing