[駐場博客小牛牛快樂行山郊遊相集by Chan Keung]踏入三月份，大地回春，趁住好天氣，向飛鵝山走返轉先，其實小編已經上過飛鵝山幾次，不過每次都揾唔同嘅路線爬上。今次同大家試行倚天脊。呢排日日都落雨，難得一日好天氣，藍天白雲，計好日落時間，走返一轉飛鵝山，希望拍倒靚靚日落美景。
其實小編已上過飛鵝山幾次，㸃解去過又去呢?! 因為每次都比佢日落美景深深吸引呢! 還有爬上飛鵝山有多條路線選擇，最方便可揸車由飛鵝山道上觀景台，不過就同行山無關呢! 如果要上飛鵝山發射站，直升機停機坪，都可以由飛鵝山道，東面有一條長長梯級可直達喔! 另外仲多條路線由扎山道上，不過大部份都好崎嶇，其中仲有幾條係高危路線添! 所以今次揀咗倚天脊上，呢條路線相比下無咁危險，不過其中一兩段路都比較崎嶇，需要手腳並用。
首先由彩虹站上扎山道進入倚天脊入口(可睇返小編行走路線附件)，跟絲帶引路直上，途中有一兩大石羣可打打卡，到達飛鵝山發射站，附近仲有一個直升機停機坪，又係打卡熱點。打完卡沿西北方向山徑直走，先經過一大片竹葉林，經過肥豬石，到達象山山頂，再落山坡，又再走上東山山頂，又再落山坡，上上落落之後，卒之到達觀景台，呢度係觀看日落最佳位置，可以鳥瞰整個東九龍。 睇完日落之後可以沿飛鵝山道西行， 直落到去沙田坳道，完成今次旅程。
注意事項:
1. 部份路段比較崎嶇，需手腳並用攀爬
2. 先下載行山地圖Apps，避免迷路
3. 路線比較長，帶備充足糧水，建議由經驗人仕帶領
4. 愛護郊野清潔人人有責，自己垃圾自己帶走
相關文章：
【行山靚景線：斜陽裡行走四排石山！】
【行山路線：周遊蒲台島！
【行澗路線：雙鹿石澗+鹿湖郊遊徑訪尋吊鐘花！】
▲可駕車沿飛鵝山道直達山頂觀賞日落美景
▲飛鵝山直升機停機坪是打卡熱點
▲飛鵝山肥豬石
▲倚天脊有2組大石羣
▲倚天脊部份路段比較崎嶇需手腳並用
▲從象山回望飛鵝山
▲巧遇日落美景
▲飛鵝山是小有可乘車直接到達的山頂
▲倚天脊是飛鵝多條山徑之中較易走的路線
▲從飛鵝山遠望象山和東山
▲穿越大片竹葉林
▲倚天脊大石羣穿梭
▲日落美景令人陶醉
▲倚天脊途中的大石羣
▲佇人左脊大石鼓
▲捕捉美麗的ㄧ刻
▲東山山脊
▲遠望東九日落美景
▲部份路段需手腳並用攀爬
▲在飛鵝山道拍攝時切記小心車輪
▲從飛鵝山經大竹葉路前住象山
▲好多行山客都慕名而來飛鵝山頂拍攝
▲拍攝時必需小心
▲飛鵝山發射站
▲攀上象山路段
飛鵝山
路線: 彩虹站>扎山道>倚天脊>飛鵝山>象山>東山>沙田坳道>黄大仙站
全程14公里 需時約4.5小時
路線參考：https://www.trailwatch.hk/?t=activities&aid=263750
