[駐場博客小牛牛快樂行山郊遊相集by Chan Keung]呢排天氣好飄忽，一時出陽光,一時又落雨,一時又大霧,忽冷忽熱，趁今日陽光普照,立即出發。今次同大家一次過行幾條位予西貢嘅石澗,除外參觀美景之外,順便找找美麗嘅吊鐘花。
夾萬坑和雙鹿石澗可以揀選全走(由四叠潭走到奔槽瀑經山徑離澗)或半走路線,小編今次選擇咗半走，首先响西灣亭起步,落西灣再轉進入夾萬坑,一開始就要爬一小段岩石層，作為熱熱身,進入石澗不久就到達四叠潭，呢度係夏天游泳聖地,不過亦都係頻頻發生意外嘅地方,爬過四叠潭頂,前面係一大片河流,可經石澗兩旁路過,澗道開掦,風景優美,不久就見到一個人工小水閘,跟住都係一段比較平緩澗道,再行走一段之後,突然眼前出現一度大岩石坡,原來巳經去到千絲瀑了,喔! 好斜好高呀! 斜度足足有成70度以上,高度有成6至7層樓高,不過右手面有較多手足位,可以小心攀爬而上,過咗千絲瀑之後，仲要攀過水壩,又要再一次挑戰險位,之後經鹿湖郊遊徑離澗,沿途仲見倒好多棵吊鐘樹,長滿了吊鐘花,不過好多都已經凋謝,跌咗落地。打完卡後,繼續沿郊遊徑落山,途中仲經過秋風石澗,試攀一線瀑,驚險萬分,最後返回北潭涌完成旅程。
注意事項:
1. 夾萬坑和雙鹿石澗為4星路線，有幾個位置比較危險,新手不宜
2. 如前住必需要有豐富行石澗經驗者陪同和帶領
3. 建議先下載行山地圖apps
4. 愛護郊野清潔自己垃圾自己帶走
▲從西灣亭步行大約1公里到達西灣起步
▲西灣是ㄧ個風景秀麗的沙灘-一望無際-杳無人跡
▲夾萬坑初段澗容
▲夾萬坑水質清澈碧綠透底
▲沿途有很多碧綠透底的大小水潭
▲夾萬坑入口初段就到達四疊潭，這裏就是夏天遊客熱點亦都是意外熱點
▲夾萬坑中段有ㄧ個小水閘形成ㄧ片大水潭
▲水潭中植物
▲茅膏菜-形狀奇特色澤鮮豔會捕食蚊蟲
▲夾萬坑尾段就到達千絲瀑傾斜度接近70度有ㄧ定危險攀爬必須要十分小心
▲吊鐘花
▲雙鹿石澗-澗道開揚水質清澈
▲千絲瀑冬季冇雨水可以從右面攀上去
▲夾萬坑到雙鹿石澗其中一個危險路段就是千絲瀑
▲行走雙鹿石澗如果唔想弄濕鞋和褲腳可以從兩旁的山徑穿越
▲美麗的吊鐘花可惜大部分已凋謝散佈在地上
▲試攀秋風石澗之一線瀑
▲秋風石澗-澗道較狹窄比較傾斜
▲秋風石澗
雙鹿石澗
路線: 西灣亭>吹筒坳>西灣>四疊潭>夾萬坑>千絲瀑>雙鹿石澗>鹿湖郊遊徑>秋風石澗>一線瀑>北潭涌 全程10.5公里,需時約4.5小時
路線圖參考：https://www.trailwatch.hk/?t=activities&aid=261380
