路德圍掃街必去!!!
係荃灣想掃街，緊係去路德圍掃啦！位於荃灣路德圍呢間小食店，集港韓台小食於一店，而且邊行邊食非常方便，仲有一、兩張小圓枱俾客人企係度食，招牌菜係白魚蛋同即叫即炸嘅紫薯餅，當然呢度仲有好多美食。
▲招牌白魚蛋($20/16粒): 魚蛋非常爽口彈牙，唔落調味醬料都夠味嘅，但對皇口味嘅朋友就可能單調咗啲，呢度最好緊係有好多唔同調味醬料任加啦，食開咩醬自己落，最啱自己口味，而且呢個價錢好抵。
▲皇牌香辣魚旦($20/16粒): 白魚蛋細細粒咁，食落特別彈牙，仲有陣魚味，完全真材實料，香辣食得更加爽口有味辣，好正。
▲黃金炸蛋($20/11粒): 炸蛋火侯好好，炸得香脆可口，唔油膩，用嘅都係白魚蛋，但有層炸皮，添加唔少口感層次。
▲意大利Mazerala芝士條 ($20/3條): 見到張圖拉到絲，就緊係試下啦，一上手熱辣辣，炸皮好香脆，趁熱一拉開，真係可以拉絲嫁，芝士味好重，芝士控要試下!
▲香脆紫薯餅($15/3件): 即叫即整，上手熱辣辣，炸皮炸得好脆啱啱好，入面紫薯味非常濃又嫩滑，呢個價錢好良心。
大廚巴巴
地址：荃灣運通街10號運通洋樓地舖
文字來源：香港人.遊香港／圖片來源：foodie_ca、hkfoodproject、milkytammy、foodie.emily、hkfoodie_life