好正！👍
呢間原本係深水埗淨係做外賣，最近佢哋就係區內開咗茶室，務求將馬來西亞味道帶俾大家，嗰碗辣死你呀媽配咖哩雞飯，多汁好味，份量十足，咖喱雞、薯仔、魚乾仔等再加上辣醬及椰漿飯，好好味！檳城福建蝦面味道夠濃郁，大大碗又抵食，湯汁冇味精！招牌肉骨茶濃而不鹹，仲可以免費添湯，值得推薦！
▲辣死你嗎配咖哩雞肉 ($30)馬拉名菜之一，其實係椰漿飯配參巴醬、青瓜、花生、乾魚仔、薯仔、雞蛋同咖哩雞肉。撈埋香辣參巴醬食非常豐富！
▲肉骨茶($28)， 唔好睇佢細細碗，一字骨d肉都成吋厚，煮得好軟非常入味，肥瘦交纏，而且仲無限添飲！
▲檳城福建蝦麵（標準$35，大$45）材料有豬軟骨、芽菜、白蝦、魚片、辣參巴醬、蛋、通菜，而辣醬係分開上，幾辣可以自己話事。
▲椰香咖央多 ($15)多士烘得十分鬆脆，咖央有淡淡嘅椰香！
▲呢個舊店買既外賣版，雖然細細碗，但同樣受歡迎！
蘇媽.蘇媽馬來西亞茶餐室
地址：深水埗基隆街251號地下
電話：24479188
時間：07:00 – 22:00
文字來源：香港人.遊香港／圖片來源： kennywong_0920 kaka_carmen 蘇媽.蘇媽馬來西亞茶餐室