一定要食火鴨翅🦆！
狗仔粉之前就已經成為米芝蓮街頭小食推介👍🏻，小店主打狗仔粉同火鴨翅，蝦米、冬菇絲同葱花都好香，必食一定係秘製辣菜甫，菜甫鹹香脆口，而且又香辣惹味😍，另外翅滾火鴨脾就係將燒鴨脾用熱辣辣火鴨翅熱浸十至十五分鐘，一絲絲的鴨肉絲加上木耳絲，口感軟滑爽脆，十分足料🤤
▲狗仔粉係香港60－70年代街頭小食，源於當時香港經濟冇咁好，人們就以熱水開粘米粉搓粉來填肚，冇諗到居然變左民間美食。
▲狗仔粉(大:$27/細:$20)因為麵條短小，又以湯羹食用，所以又有人稱它為「粉仔」。 用上湯出來既白麵條，淋上蝦米、菜脯、豬油渣等配菜，簡單但非常滋味，而且識食一定要加辣菜莆。
▲雜燴(大:$33/小份:＄23)，包括有大腸、豬肚、豬皮、白蘿蔔，其中大腸軟而不腥，蘿蔔吸滿醬汁，鮮甜十足。
▲燒鴨脾用熱辣辣火鴨翅熱浸十至十五分鐘，將兩種本是相同
▲紅燒火鴨翅(大:$27/細:$20)以街頭碗仔翅作基底，加入4 隻燒鴨熬湯，每日熬5、6個鐘頭。入口充滿濃濃鴨香，但完全唔覺油膩。幼細火鴨絲配上爽脆木耳絲令口感更加豐富。
▲唔經唔覺，自十八座狗仔粉拎左米芝蓮推介小食之後，就人氣急升，至今已經有5間分店。
十八座狗仔粉
佐敦店地址：佐敦寧波街27A地下
深水埗店地址：深水埗福榮街88號地舖
荃灣店地址：荃灣荃興徑3號地下E舖
旺角店地址：旺角通菜街139號地下B舖
元朗店地址：元朗建業街59號
文字／圖片來源：香港人.遊香港 ／圖片來源：十八座狗仔粉、__pinkyc__、vinga_cancerous