澳門美食2023｜澳門特色東南亞美食冰室 必試黑毛豬黯然銷魂飯
澳門除了食葡撻同豬扒包，冰室都係許多遊客常去嘅地方美食之一，而呢間冰室結合了港澳和東南亞美食，係澳門就已經開咗三間分店，可見人氣程度高企！餐牌上除了常見港式美食外，仲有各種亞太特色嘅飯和粉麵，例如越南撈檬、馬來西亞叻沙等，選擇非常多樣化。而其中一樣港式美食必定要試「黑毛豬黯然銷魂飯」，黑毛豬叉燒大塊得嚟又夠軟嫩可口，另配上香甜醬汁，而飯方面可以配旋風滑蛋或太陽雙蛋，賣相夠曬吸引。想去澳門覓食嘅朋友仔不妨試吓呢間！
▲餐牌上除了港澳風味嘅美食之外，仲有各種亞太特色嘅飯和粉麵，選擇非常多樣化。
▲「黑毛豬黯然銷魂飯」配有旋風滑蛋或太陽雙蛋選擇，而黑毛豬叉燒大大塊，口感軟嫩，配上甜甜嘅醬汁同滑嫩嘅旋風蛋非常滋味！「椒鹽骨飯」豬扒炸得非常乾身，蒜香味十足。
▲咖喱魚蛋雞米」咖喱味香濃突出，魚蛋偏爽口彈牙，再配上秘製辣椒油惹味加倍！
▲飲品方面可以搭配「椰香三色冰」，椰香味濃郁，搭配三色嘅斑蘭粉條，口感相當豐富。「龍眼冬瓜冰茶」味道非常清爽，唔會好甜，解膩一流！
太陽冰室-皇朝店
地址：澳門羅馬街110號東南亞商業中心AK座
營業時間：週一至週五：11:00-21:00 週六至週日：10:30-21:00
電話：(853) 2826 5600
圖片來源： @s_c.foodie 文字：香港人遊香港