聖誕2023｜超搞怪聖誕懷孕動物系列裝置登陸旺角T.O.P
由創意無限的本地插畫家及發明家「東尼電機」曾推出人氣「懷孕動物」角色系列，今次首次同旺角商場合作於聖誕搞新意，推出「聖誕懷孕動物大TWINS徙」，一眾搞笑動物BB遍佈全場，設有四大打卡位，包括3米高巨型懷孕雪人、15倍放大懷孕聖誕鹿及其座駕「懷孕聖誕鹿車」，仲有一群得意龍鳳胎BB同懷孕小豬媽媽進行「聖誕產檢」場景！除了一系列場內搞笑打卡位，只要消費滿指定金額即可換領獨家精品例如懷孕雪人LED燈座、懷孕聖誕鹿環保袋等，盲盒粉絲更不能錯過期間限定雪人盲盒，今個聖誕快啲去打卡啦！
▲3米高「巨型懷孕雪人」及其「龍鳳胎」雪人BB屹立於T.O.P的空中花園，馬路遠處就見到佢哋同市民打招呼！
▲記得去埋「嬰國」捕捉「龍鳳胎」動物BB，仲有超精緻聖誕樹掛滿懷孕動物系列以及懷孕聖誕東尼。
▲仲有2樓可愛懷孕小狗一同「懷孕夜繽Fun」，以及懷孕小豬的「聖誕產檢」打卡場景，入面有超聲波相見到迷你龍鳳胎小豬，勁搞怪！
▲商場1樓的「懷孕聖誕鹿車」有放大15倍的可愛懷孕聖誕鹿同bling bling聖誕樹及花環，充滿濃厚的聖誕氣氛。
▲Snapio 「聖誕懷孕動物自拍亭」提供即影即有服務，快啲同朋友拍照留念啦！
▲活動仲有聖誕系列獨家精品供大家消費換領。顧客只須於活動期間，單日累積電子消費滿200元或以上，即可換領「聖誕懷孕動物」懷孕雪人LED燈座、懷孕聖誕鹿環保袋及聖誕懷孕鎖匙扣等。盲盒粉絲更不能錯過期間限定「聖誕懷孕動物」雪人盲盒。
▲〔限定4天〕T.O.P x 東尼電機期間限定店獨家發售多款「懷孕動物」聖誕系列精品於12月2至3日及9至10日特設4天期間限定店，除了多款「懷孕動物」系列精品，東尼電機本人更會親臨現場與粉絲們見面，部分收益更會撥捐保護遺棄動物協會。
▲玩匀全場以鏡頭「FINDING TONY」贏取獨家聖誕咭：只要以鏡頭捕獲埋伏在各樓層的懷孕聖誕東尼的蹤影，即可免費換領一款獨家「懷孕主題聖誕咭」，包括懷孕聖誕東尼、懷孕聖誕鹿及懷孕雪人，一於集齊全套三款向身邊朋友送上祝福。
T.O.P x 東尼電機 • 聖誕懷孕動物大TWINS徙
日期：即日起至2024年1月14日
地址：旺角彌敦道 700 號 T.O.P This is Our Place
圖片&文字：香港人遊香港