中環美食2023｜中環粵西fusion菜 必試臘腸卡邦尼手工意粉+奶茶雪糕菠蘿包

平日常見嘅Fusion菜可能都係充滿異國特色嘅款式，而呢間位於中環，藏於小巷之中嘅小餐館，就反而主打港粵及西式Fusion，有唔少菜式都帶有濃濃的中華滋味。餐廳晚市主打5 courses set，以semi fine dining fusion料理嚟講性價比唔錯，HK$680有齊前菜、湯、兩款主菜及甜品。臘腸卡邦尼手工意粉利用臘腸代替煙肉，鹹香味更為突出。另外雪糕菠蘿包係使用自家製酸種麵包，配上港式奶茶味嘅雪糕。餐廳環境型格又帶點復古味，而且採用開放式廚房設計，坐吧枱可以欣賞到廚師的烹調功架。想同朋友去有特色配搭嘅好餐廳小聚，就唔好錯過啦！不過留意晚市要先預約訂枱啊。

▲臘腸卡邦尼手工意粉：用臘腸代替煙肉，鹹香味更為突出。手工意粉亦十分有咬口，附上溫泉蛋令口感更加濕潤同增添蛋香味。

▲奶茶雪糕菠蘿包（左圖）：菠蘿包以自家製酸種麵包製成，配上有清甜茶味嘅奶茶雪糕，十分有港式情懷。豆腐布丁配楊梅乾黑糖漿（右圖）：豆腐布丁口感順滑，清淡帶豆香嘅布丁綴以酸酸地嘅楊梅乾，超有特色！

▲烤栗子湯配羊肚菌（左圖）：羊肚菌經炒香後散發菌香、湯的口感濃厚夠Creamy。石榴沙律（右圖）：加入清爽的石榴同青瓜，作為開胃菜一流。

▲餐廳環境型格得嚟帶啲復古味，採用開放式廚房設計，坐吧枱可以欣賞到廚師的烹調功架。

Daap

地址：中環永吉街20號地舖
營業時間：12:00-15:00、18:00-22:00（星期二至五）、10:30-16:00、18:00-22:00（週末及公眾假期）
訂座電話：96807456

文字來源：香港人遊香港/圖片來源：@majorinfood