呢間位係尖沙咀的中餐廳集粵菜和酒吧於一身，店內裝修以王牌特工做靈感，以特務不同的個性與特質演變融入餐廳及酒廊空間。餐廳分為4大主題區域，好似「特務神秘角度」的酒廊區，以特務的收藏品為基調，半空的背景牆佈滿甲蟲標本及大地色為主。「特務神奇道具衣櫥」及「智慧屋」的餐飲區靈感來自於James Bond汽車 DB5，當中設計利用了倒後鏡及輪胎的特徵成爲餐飲區燈飾，及以熱帶雨林為設計藍圖之「旅行家的房間」作爲中西合璧的餐廳空間。食物方面以粵菜為主打同時混入西式，當中的爵士湯以西式龍蝦湯做湯底配中式食材，好似花膠、螺肉等，另加入蜜瓜增加香甜味令味道更鮮甜濃郁。而雞尾酒同樣充滿特色。
▲餐廳環境充滿特務神秘感。
▲桂花荔枝汁漬荷蘭串茄(左)，番茄仔飽滿多汁味道酸酸甜甜好開胃。陳皮香草醬焗伊比利亞豚肉(右)，豚肉油脂甘香配陳皮香草醬減油膩感。
▲黑松露帶子餃(中)，外皮煙韌而中間粒帶子嫩滑，帶淡淡的黑松露味。
▲爵士湯，西式龍蝦湯做湯底配中式食材，好似花膠、螺肉等，另加入蜜瓜增加香甜味令味道更鮮甜濃郁。
▲鮮胡椒蟹皇焗海蝦，黑胡椒味既香又濃配，蝦肉爽彈又大隻。
▲珍菌紫玉，用一片椰菜包住甘筍絲、菇菌絲配南瓜醬汁健康清甜，再放上炸瑤柱絲增加口感。
▲龍蝦膏海膽炒飯，炒飯粒粒分明夠乾身，龍蝦膏溶入飯粒夠鮮甜再配海膽增加甘香。
▲芝麻糊椰汁忌廉配桔仔酥，芝麻糊香甜再加椰汁忌廉增加幼滑。而桔仔酥外層香脆內心煙韌，配芝麻、椰絲糖味道不太甜。
▲Pink Shady，Gin酒混士多啤梨汁等加入玫瑰梳打水，味道香甜。
▲Voynich Secret，Gin酒混接木花、蘋果汁、檸檬汁等再加上以蘋果木煙燻，帶點煙燻香而味道爽口清甜。
花圖
地址：尖沙咀海港城海洋中心4樓401號舖
電話：26882408 (WhatsApp 66396688)
文字：香港人遊香港