呢間位於上環嘅多國菜café，環境以粉藍色作主調，少女心十足。菜式選項都十分多元，不論是東南亞風的飯麵，或西式意粉、漢堡及薄餅等，通通都有售。適合一班朋友去打卡，試多國菜式！櫻花蝦海鮮喇沙味道濃郁，帶椰香味。材料十分豐富，除了用作昇華湯底味道的櫻花蝦外，更有大大粒青口、帶子、大蝦等海鮮，仲有索哂湯汁的豆卜。米線又掛湯，每一啖可以品嘗到香濃的湯頭。無骨海南雞飯亦是人氣之選。擺盤精美不在話下，味道都十分出色。雞肉十分滑溜，伴碟有自家製醃蘿蔔片。更有超正濃雞湯，雞湯鮮甜，有鮮雪耳作湯料，好飲又養身。如果同朋友口味不同，又想搵間靚餐廳一齊歎，就一定要去呢間多國菜餐廳試下啦！
▲櫻花蝦海鮮喇沙($78)
▲湯底味道濃郁，帶椰香味。有昇華湯底味道的櫻花蝦外，更有大大粒青口、帶子、大蝦等海鮮，更加有索哂湯汁的豆卜。
▲無骨海南雞飯($108)：雞肉十分滑溜，毫無雪藏味。伴有鮮雪耳濃雞湯，好飲又養身。
▲士多啤梨鮮奶沙冰特飲($52)：沙冰帶酸酸的乳酪味，加上鮮士多啤梨片，口味不會過甜，可以解一解膩，口感綿滑。
▲甜心鮮菠蘿特飲($52)：十分清新的沙冰！以新鮮菠蘿打做沙冰，加上鮮菠蘿果肉，打卡靚之餘，飲一啖都透心涼！
Home A Day
地址：上環德輔道中188號金龍中心地下1,2,6號舖
營業時間：星期一至六：08:00-21:00、星期日及公眾假期：09:00-21:00
訂座電話：23623830
文字來源：香港人遊香港/圖片來源：@sa_foodieadventure