這間位於西環的烘焙店，主打手工麵包酥皮產品，開業約一年已大受歡迎！主廚曾在加拿大藍帶學院學習麵包烘焙，小店自設廠房，每日新鮮焗製麵包，人氣麵包款式經常在開店不久就會售罄，幫襯要趁早！店內必試招牌是手工製作的酥皮忌廉筒(Unicorn Puff)，手掌咁大件，外層酥皮一共搓摺成486層，酥脆鬆化且充滿牛油香，內裡唧滿忌廉餡，4款口味包括原味吉士、抹茶、朱古力及榛子，吃到尾仍有餡料！另外，小店還供應多款手工麵包及甜品，包括同樣大受歡迎的吉士酥皮蛋撻，以及巨型蝴蝶酥、酥皮牛角包及肉桂卷等，麵包控切勿錯過！
▲ 486層酥皮忌廉筒，共4款口味，上圖左起為抹茶($38)、原味($38)、榛子($42)及朱古力($42) 。
▲酥皮忌廉筒每日人手新鮮製作，外層酥皮一共搓摺成486層，濃濃牛油香配軟滑忌廉餡，大受歡迎！
▲抹茶酥皮忌廉筒最受歡迎，抹茶餡用小山園抹茶粉，抹茶味香濃，配竹炭忌廉筒，甜而不膩，非常吸引！
▲吉士酥皮蛋撻($12)，外層酥皮也有54層，蛋餡幼滑又充滿奶香，有點像法式焦糖燉蛋，還可以選擇咖啡蛋撻(Mocha)。
▲小店還供應多款手工麵包及甜品，包括巨型蝴蝶酥($20)及肉桂卷($24)等，麵包控切勿錯過！
▲小店麵包每日新鮮焗製，人氣麵包款式經常在開店不久就會售罄，幫襯要趁早！
Soft Thunder
地址：西環北街29-31號鴻利樓地下A號舖
營業時間：11:00-20:00
文字：香港人遊香港 /圖片：@aimei.hk、 @soft.thunder.bakery、 @findtoeat