這間在紅磡開業超過四十年的老字號，是一眾街坊多年來由細食到大的集體回憶，店面細細卻充滿人情味。店內的班戟、雞蛋仔及格仔餅，新鮮滾熱辣又大大份，多款食物都即叫即整，其中以班戟最有人氣，鹹甜都有又超級足料，必食沙律芒果班戟，熱辣辣班戟包著冰凍新鮮的芒果，加上酸甜沙律醬，冰火交融，味道清新。另外蛋白肉鬆鹹班戟亦十分推介，班戟鬆軟，肉鬆份量勁多，配上煉奶及花生醬，口感豐富，是喜歡食鹹班戟朋友的好選擇。若喜歡食格仔餅，亦可以試下朱古力抹茶格仔餅，上下雙色，格仔餅鬆脆又足料，而朱古力原味抹茶雞蛋仔一次過食到三款味，更呈現漸變色，打卡一流！
▲芒果班戟($19)，即叫即整熱辣辣，班戟口感鬆軟有咬口，充滿蛋香味，芒果勁足料，冰凍香甜，一冷一熱冰火交融，而且十分抵食，但有網民認為走沙律醬更原汁原味。蛋白肉鬆鹹班戟($12)，班戟抹上牛油及勁厚花生醬，再加超足料肉鬆，口感豐富，又鹹又香！
▲班戟即叫即整，十分足料。
▲榨菜肉鬆班戟($14)，滿滿的榨菜肉鬆加上花生醬，甜鹹交錯幾過癮，榨菜切到四方粒粒幾好咬，不過肉鬆太多，食起來有少少乾，最好配飲品食用。
▲朱古力原味抹茶雞蛋仔($20)，可以一次過試到三款味道，而且呈三色漸變，絕對是打卡之選！
▲朱古力抹茶格仔餅($19)，上下兩隻色，格仔餅鬆脆又足料，口感綿密，裡面夾滿花生醬和煉奶，食落超滿足！
▲小店在紅磡開業超過四十年，是一眾街坊多年來由細食到大的集體回憶，店面細細卻充滿人情味。
紅磡雞蛋仔
地址：紅磡大沽街寶利閣2號鋪
營業時間：因應疫情開業時間不定
文字：香港人遊香港 /圖片：@hkhungryfoodie、@fatfat_devil、@marcosora、@Hesper