呢間位於北角後街有點隱蔽的西餐廳，全店滿佈祖雲達斯相關球衣來裝飾，連店員都穿上祖雲達斯波衫做工作服還以為係祖雲達斯餐廳。餐廳主打意大利餐，所有自家製pizza餅底加入墨汁發酵，從而產生化學作用令口感更鬆脆煙韌。仲有其自家製芝士肉醬千層麵一共有五層，麵質煙韌一層層肉醬和番茄既有香濃肉汁味又有清爽蕃茄減去肥膩感，加上勁多芝士非常惹味仲有拉絲效果。另一必食黃金炒薯條，每條薯條都佈滿金黃色咸蛋黃醬夠晒咸香惹味，令人食唔停口。
▲黃金炒薯條($68)，薯條香脆薯肉豐滿加上每條都佈滿金黃色咸蛋黃醬咸香濃郁好惹味。
▲蕃茄水牛芝士薄餅($138)，墨汁薄餅底焗得香脆又薄身，新鮮番茄粒配水牛士芝士口味清新仲有拉絲效果。
▲自家製芝士肉醬千層麵($158)，一層層肉醬和蕃茄既有香濃肉汁味又有清爽番茄減去肥膩感，加上勁多芝士非常惹味仲有拉絲效果。
▲芒果乳酸特飲($38)，大大果泡泡非常搶眼，味道酸酸甜甜好開胃。
▲忌廉黑松露蘑菇湯和香草竹炭麵包(每位客人都會奉上)，麵包焗得香脆鬆軟有淡淡香草香而忌廉湯黑松露味重仲咬到粒粒蘑菇。
Villa Villa
地址：北角錦屏街後街25A東發大廈地下31號舖
電話：27779033
文字／圖片：香港人遊香港